കാറുകളുടെ വില വർധിപ്പിക്കാനൊരുങ്ങി ടൊയോട്ടയും

പുതുവർഷത്തിൽ വാഹനം വാങ്ങാൻ ആഗ്രഹിച്ചവർക്ക് വലിയൊരു തിരിച്ചടിയാണ് ഉണ്ടായികൊണ്ടിരിക്കുന്നത്. ഇസുസുവിനും സ്കോഡയ്ക്കും ഹോണ്ടയ്ക്കും പിന്നാലെ കാറുകളുടെ വില വർധിപ്പിക്കാനുള്ള തീരുമാനത്തിലാണ് ടൊയോട്ടയും. മൂന്ന് ശതമാനം വർധനവാണ് ടൊയോട്ട ഏർപ്പെടുത്തുന്നത്. ജനുവരി ഒന്നു മുതലായിരിക്കും പുതുക്കിയ വില പ്രാബല്യത്തിൽ വരിക.

ഉല്പാദന ചെലവുകൾ വർധിച്ചതാണ് വില വർധിപ്പിക്കാനുള്ള കാരണമായി ടൊയോട്ടയും ചൂണ്ടി കാണിക്കുന്നത്. 5.2 ലക്ഷം രൂപയുടെ എത്യോസ് ലിവ മുതൽ 1.35 കോടിയുടെ ലാൻഡ് ക്രൂയിസർ വാഹനമാണ് ടൊയോട്ട ഇന്ത്യൻ നിരത്തിലിറക്കിയിരിക്കുന്നത്.