റെട്രോ ലുക്കിൽ ടിവിഎസ് ജൂപീറ്റര്‍ ക്ലാസിക്

ടിവിഎസ് ജൂപീറ്റര്‍ ക്ലാസിക് വിപണിയിലെത്തി. ഡൽഹി എക്സ്ഷോറൂം 60,487 രൂപയ്ക്കാണ് ടിവിഎസ് ജൂപീറ്റര്‍ ക്ലാസിക് അവതരിച്ചിരിക്കുന്നത്. 8 ബിഎച്ച്പിയും 8.4എൻഎം ടോർക്കുമുള്ള 109.7 സിസി സിങ്കിൾ സിലിണ്ടർ എൻജിനാണ് സ്കൂട്ടറിന്‍റെ പവർ ഹൗസ്. 62 കിലോമീറ്ററെന്ന മികച്ച മൈലേജാണ് ടിവിഎസ് വാഗ്ദാനം ചെയ്തിരിക്കുന്നത്.

നിലവിലുള്ള ജുപീറ്ററിന്‍റെ ഡിസൈൻ കടമെടുത്താണ് പുതിയ ക്ലാസിക് മോഡലിന്‍റെ നിർമാണം നടത്തയിരിക്കുന്നത്. എന്നാൽ ഒരു റെട്രോ ലുക്ക് കൈവരുത്തുവാൻ ചില്ലറ പരിഷ്കാരങ്ങളൊക്കെ വരുത്തിയിട്ടുണ്ട്. ഫ്രണ്ട് എൻഡിലെ വിന്‍റ് ഷീൽഡാണ് സ്കൂട്ടറിന്‍റെ മുഖ്യാകർഷണം. ക്രോ ഫിനിഷിങോടുകൂടിയ റിയർ വ്യൂ മിററുകളും പുതുമ നിറഞ്ഞൊരു ഘടകമാണ്.

ക്രോം ഫിനിഷുള്ള പില്യണ്‍ ഗ്രാബ് ഹാന്‍ഡില്‍, സ്റ്റിച്ചിംഗോട് കൂടിയ ഡ്യൂവല്‍ ടോണ്‍ സീറ്റ്, പാസഞ്ചര്‍ ബാക്ക് റെസ്റ്റ് തുടങ്ങിയ ഫീച്ചറുകൾ സ്കൂട്ടറിന്‍റെ പുതുമ വർധിപ്പിക്കുന്നു. ക്ലാസിക് ഡയല്‍ ആര്‍ട്ടാണ് ഇന്‍സ്ട്രമന്‍റ് പാനലില്‍ ഇടംതേടിയിരിക്കുന്നത്. ഹീറോ മായെസ്‌ട്രൊ, സുസൂക്കി ആക്‌സസ്, ഹോണ്ട ആക്ടിവ, യമഹ ഫസീനോ എന്നിവയോട് മത്സരിക്കുന്നതിനാണ് റെട്രോ ലുക്കിൽ ജുപീറ്റർ ക്ലാസിക് വിപണിയിലെത്തിച്ചേർന്നിരിക്കുന്നത്.

TVS Jupiter Classic Launched In India For Rs Rs 55,266

TVS Jupiter Classic launched in India. The TVS Jupiter Classic is priced at Rs 55,266 ex-showroom.