താരമാകാൻ വോൾവോ S90 മൊമന്‍റം ഇന്ത്യയിൽ

വോൾവോ S90 മൊമന്‍റം ഇന്ത്യയിൽ അവതരിച്ചു. ഡൽഹി എക്സ്ഷോറൂം 51.90 ലക്ഷം രൂപയാണ് ഈ സെഡാന്‍റെ വില. മെഴ്സിഡസ് ബെൻസ് E ക്ലാസ്, ബിഎംഡബ്ല്യൂ 5 സീരീസ്, ഓഡി എ6 എന്നിവയുമായി മത്സരിക്കുന്നതിന് വേണ്ടിയാണ് വോൾവോ S90 മൊമന്‍റം ഇന്ത്യയിൽ എത്തിയിരിക്കുന്നത്.

പിയാനോ ബ്ലാക്ക് ഗ്രിൽ, പുതിയ എക്സ്ഹോസ്റ്റ്, 18 ഇഞ്ച് അലോയ് വീലുകൾ എന്നിവയാണ് പ്രധാനപ്പെട്ട എക്സ്റ്റീരിയർ ഫീച്ചറുകൾ. 9.0 ഇഞ്ച് ടച്ച്സ്ക്രീൻ സിസ്റ്റം, പാർക്കിങ് സെൻസർ, പിൻ ക്യാമറ, ഡിജിറ്റൽ മീറ്ററുകൾ, ഓട്ടോ പാർക്കിങ് സിസ്റ്റം തുടങ്ങിയ മികച്ച ഫീച്ചറുകളും വോൾവോ ഈ വാഹനത്തിൽ ലഭ്യമാക്കിയിട്ടുണ്ട്.

190 ബിഎച്ച്പിയും 400 എൻഎം ടോർക്കും നൽകുന്ന 2.0 ലിറ്റർ D4 ഡീസൽ എൻജിനാണ് S90 മൊമന്‍റം സെഡാന് കരുത്തേകുന്നത്. 8 സ്പീഡ് ഓട്ടോമാറ്റിക് ആണ് ട്രാൻസ്മിഷൻ. എബിഎസ്, 6 എയർബാഗുകൾ, ISOFIX ചൈൽഡ് സീറ്റ് മൗണ്ടുകൾ, അഡാപ്റ്റീവ് ക്രൂയിസ് കൺട്രോൾ, ഇലക്ട്രോണിക് ബ്രേക്ക് ഫോഴ്സ് ഡിസ്ട്രിബ്യൂഷൻ എന്നിവയാണ് ഈ വാഹനത്തിലെ പ്രധാനപ്പെട്ട സുരക്ഷാ ഫീച്ചറുകൾ.