ഹ്യുണ്ടായ് ക്രേറ്റയെ വെല്ലാൻ ഫോക്സ്‍വാഗൺ ടി-ക്രോസ്

കോംപാക്ട് എസ്‍യുവി നിരയിൽ മത്സരം കടുപിക്കാൻ ഫോക്സ്‍വാഗൺ ടി-ക്രോസ് നിരത്തിലേക്ക്. വരവിന് മുന്നോടിയായി ടി-ക്രോസിന്‍റെ ഡിജിറ്റൽ സ്കെച്ച് പുറത്തു പുറത്തുവിട്ടിരിക്കുകയാണ് കമ്പനി. ടി-ക്രോസിന്‍റെ പിൻഭാഗവും വശവും വ്യക്തമാകുന്ന വിധത്തിലാണ് ഡിജിറ്റൽ സ്കെച്ച് പുറത്തുവന്നിരിക്കുന്നത്. ഇതോടൊപ്പം ഒരു വീഡിയോയും പുറത്തിറങ്ങിയിട്ടുണ്ട്.

ഡ്യുവൽ ടോൺ ബമ്പർ, എൽഇഡി ടെയിൽ ലാമ്പ്, റൂഫ് റെയ്ൽ, ഷോൾഡർ ലൈൻ, വീൽ ആർച്ച് എന്നിവ ഉൾപ്പെട്ട ഡിജിറ്റൽ സ്കെച്ചാണ് പുറത്തിറക്കിയത്. എന്നാൽ ഇൻന്‍റീരിയർ, മെക്കാനിക്കൽ സംബന്ധിച്ച വിവരങ്ങളൊന്നും കമ്പനി പുറത്തുവിട്ടിട്ടില്ല. 2020 ഓടെ ടി-ക്രോസ് ഇന്ത്യയിൽ അവതരിക്കുമെന്നാണ് ഫോക്സ്‍വാഗൺ അറിയിച്ചിരിക്കുന്നത്. ഇന്ത്യയിൽ ഹ്യുണ്ടായ് ക്രേറ്റയ്ക്കായിരിക്കും ടി-ക്രോസിന് പ്രധാന വെല്ലുവിളി ഉയർത്തുക.