അരുൺ ജെയ്റ്റ്ലി ലോക്‌സഭയിൽ: ബജറ്റവതരണം ആരംഭിച്ചു

ന്യൂഡൽഹി: ഏറെ പ്രതീക്ഷകളുണർത്തുന്ന കേന്ദ്ര ബജറ്റ് അൽപസമയത്തിനകം ധനമന്ത്രി ലോക്‌സഭയിൽ അവതരിപ്പിക്കും. രാഷ്‌ട്രപതി രാംനാഥ് കോവിന്ദുമായി ബജറ്റിലെ പ്രധാന വിഷയങ്ങൾ ചർച്ച ചെയ്ത ശേഷം അരുൺ ജെയ്റ്റ്ലി പാര്‍ലമെന്‍റില്‍ എത്തി. നരേന്ദ്ര മോദി മന്ത്രിസഭയുടെ അവസാന പൊതു ബജറ്റാണിത്. അതിവേഗം വളരുന്ന സമ്പത്തിക ശക്തികളിൽ ഒന്നാണ് ഇന്ത്യയെന്ന് അരുൺ ജെയ്റ്റ്ലി ബജറ്റവതരണിത്തിന്‍റെ ആമുഖമായി പറഞ്ഞു.

നിയമസഭാ തിരഞ്ഞെടുപ്പുകൾക്ക് മുന്നോടിയായും 2019ലെ ലോക്‌സഭാ തെരഞ്ഞെടുപ്പിന് മുന്നോടിയാണ് ഉള്ള ബജറ്റ് ഏറെ ജനപ്രിയമാകുമെന്നാണ് സൂചന. നികുതിയിളവാണ് ഏവരും ഉറ്റു നോക്കുന്നത്. ധനമന്ത്രി അരുൺ ജെയ്റ്റിലിയുടെ അഞ്ചാമത്തെ ബജറ്റാണിത്. നോട്ടു നിരോധനത്തിനുള്ള രണ്ടാമത്തെ ബജറ്റും ജിഎസ്‌ടിക്ക് ശേഷമുള്ള ആദ്യ ബജറ്റുമാണിത്.