ബജറ്റ്: കേരളത്തിന്‍റെ ആവശ്യങ്ങള്‍ പരിഗണിക്കപ്പെടുമോ?

തിരുവനന്തപുരം: കേന്ദ്ര ബജറ്റില്‍ കേരളത്തിന്‍റെ ആവശ്യങ്ങള്‍ പരിഗണിക്കപ്പെടുമോ എന്ന് കാത്തിരുന്നു കാണേണ്ടിവരും. ഇത്തവണ റെയില്‍ ബജറ്റും കേന്ദ്ര ബജറ്റിന്‍റെ ഭാഗമായതിനാല്‍ റെയില്‍ ഗതാഗതമേഖലയിലെ കേരളത്തിന്‍റെ പ്രതീക്ഷകള്‍കൂടി ബജറ്റില്‍ പൂവണിയേണ്ടതുണ്ട്.

പതിവുപോലെ കഞ്ചിക്കോട് കോച്ച് ഫാക്ടറിയാണ് കേരളത്തിന്‍റെ ഏറ്റവും വലിയ പ്രതീക്ഷ. പ്രഖ്യാപിച്ചിട്ട് വര്‍ഷങ്ങള്‍ ആയെങ്കിലും ഫാക്ടറിക്കായി കാര്യമായ തുക ഇതുവരെ വിലയിരുത്തിയിട്ടില്ല. കൂടാതെ ശബരി റെയില്‍പ്പാതയും, നിലമ്പൂര്‍-നഞ്ചന്‍കോട് പാതയുമെല്ലാം പതിവുപോലെ കേരളത്തിന്‍റെ ആഗ്രഹങ്ങളുടെ കൂട്ടത്തില്‍ ഉണ്ട്.

ഏതാനും വര്‍ഷങ്ങളായി കടുത്ത വരള്‍ച്ച അനുഭവപ്പെടുന്നതിനാല്‍ ഒരു വരള്‍ച്ചാ പാക്കേജ് കേരളം പ്രതീക്ഷിക്കുന്നു. റബ്ബറിന്‍റെ പുനരുദ്ധാരണം, റേഷന്‍ വിഹിതത്തില്‍ വര്‍ധന, എയിംസ് എന്നിവയും കേരളത്തിന്‍റെ ആവശ്യങ്ങളാണ്.

Budget: Expectations of kerala

Kerala's wishlist include fund for Kanjikkode coach factory, Nilambur-Nanjangud rail line, Sabari rail, renovation package for rubber, and an AIIMS.