വര്‍ഷം നൂറുകോടി വിമാനസര്‍വീസുകള്‍ നടത്തുമെന്ന് ധനമന്ത്രി

ന്യൂഡൽഹി: അടുത്ത അഞ്ചുവര്‍ഷത്തിനുള്ളിൽ പ്രതിവര്‍ഷം നൂറുകോടി വിമാനസര്‍വീസുകള്‍ എന്ന നിലയിലേയ്ക്ക് വ്യോമയാനമേഖല വികസിപ്പിക്കുമെന്ന് ധനമന്ത്രി അരുൺ ജെയ്റ്റ്ലി. ഹവായ് ചെരുപ്പിട്ട് നടക്കുന്നവര്‍ക്കും വിമാനത്തിൽ യാത്ര ചെയ്യാനുള്ള സാഹചര്യം ഉണ്ടാക്കുകയാണ് ലക്ഷ്യമെന്ന് ധനമന്ത്രി ബജറ്റ് പ്രസംഗത്തിൽ പറഞ്ഞു.

രാജ്യത്തെ ചെറുനഗരങ്ങളിലേയ്ക്കും വിമാനസര്‍വീസുകള്‍ വ്യാപിപ്പിക്കാനായി നടപ്പാക്കുന്ന ഉഡാൻ പദ്ധതിയ്ക്ക് സഹായകമായ പ്രഖ്യാപനങ്ങളും ബജറ്റിലുണ്ടായി. 56 പുതിയ വിമാനത്താവളങ്ങളും 31 പുതിയ ഹെലിപ്പാഡുകളഉം ഉഡാൻ പദ്ധതിയുമായി ബന്ധിപ്പിക്കുമെന്ന് മന്ത്രി അറിയിച്ചു. ഇതിനോടകം 16 വിമാനത്താവളങ്ങളെ പദ്ധതിയുമായി ബന്ധിപ്പിച്ചിട്ടുണ്ട്.