സര്‍ക്കാരിന്‍റെ നേട്ടങ്ങള്‍ എണ്ണിപ്പറഞ്ഞ് രാഷ്ട്രപതി

ന്യൂഡല്‍ഹി: ചരിത്രത്തില്‍ ഇടം നേടുന്ന ബജറ്റാണ് ഇത്തവണത്തേത് എന്നു പറഞ്ഞുകൊണ്ടായിരുന്നു രാഷ്ട്രപതി പ്രണബ് മുഖര്‍ജി തന്‍റെ നയപ്രഖ്യാപനപ്രസംഗത്തിനു തുടക്കം കുറിച്ചത്. കള്ളപ്പണത്തിനെതിരായ പോരാട്ടത്തിന് ജനങ്ങള്‍ നല്‍കിയ പിന്തുണയെ അഭിനന്ദിച്ച രാഷ്ട്രപതി തന്‍റെ സര്‍ക്കാരിന്‍റെ നേട്ടങ്ങളെ എണ്ണിപ്പറഞ്ഞു. രാഷ്ട്രപതിയുടെ പ്രസംഗത്തിലെ പ്രസക്ത ഭാഗങ്ങള്‍ ഇവയാണ്.

1. സര്‍ക്കാരിന്‍റെ പ്രചരണത്തിലൂടെ 1.2 കോടി ആളുകള്‍ എല്‍.പി.ജി സബ്സി‍ഡി ഉപക്ഷിച്ചു. ഇത് ഉപയോഗപ്പെടുത്തി പാവപ്പെട്ടവര്‍ക്ക് എല്‍.പി.ജി നല്‍കി.
2. സ്വച്ഛ് ഭാരത് മിഷനലൂടെ രാജ്യത്തുടനീളം 140000 ശൗചാലയങ്ങള്‍ പണിതു. മൂന്ന് സംസ്ഥാനങ്ങളിലെ 77 ജില്ലകളിലെ 450 ഗ്രാമങ്ങള്‍ വെളിയിട വിസര്‍ജ്ജനമുക്തമായി പ്രഖ്യാപിച്ചു.
3. പ്രധാനമന്ത്രി ജന്‍ ധൻ പദ്ധതിയിലൂടെ 26 കോടിയിലധികം ബാങ്ക് അക്കൗണ്ടുകള്‍ തുടങ്ങി. 20 കോടിയോളം റൂപേ കാര്‍ഡുകള്‍ വിതരണം ചെയ്തു.
4. രാജ്യത്താകമാനം 1.5 ലക്ഷം പോസ്റ്റല്‍ പേയ്‍മെന്‍റ് ബാങ്കുകള്‍ തുറന്നു. 5.6 കോടി ലോണുകളിലുടെ രണ്ടു ലക്ഷം കോടിയോളം രൂപ ഇതുവഴി വിതരണം ചെയ്തു. ഇതില്‍ 70 ശതമാനവും സ്ത്രീകളാണ്.
5. ദീന്‍ദയാല്‍ ഉപാധ്യായ അന്ത്യോദന യോജന വഴി 16000 കോടിയുടെ സഹായം സ്വയം സഹായസംഘങ്ങള്‍ക്ക് വിതരണം ചെയ്‍തു.
6. പ്രധാനമന്ത്രി ഉജ്ജ്വല യോജന വഴി 1.5 കോടി കുടുംബങ്ങള്‍ക്ക് ഗ്യാസ് കണക്ഷൻ നല്‍കി. ഇതില്‍ 37 ശതമാനവും പട്ടികജാതി, പട്ടികവര്‍ഗ വിഭാഗത്തില്‍പ്പെടവരാണ്. ഏതാനും വര്‍ഷങ്ങള്‍ക്കുള്ളില്‍ അഞ്ച് കോടി കുടുംബങ്ങള്‍ക്ക് എല്‍.പി.ജി എത്തിക്കും.
7. ദീന്‍ദയാല്‍ ഗ്രാം ജ്യോതി യോജന പ്രകാരം വൈദ്യുതി എത്താത്ത 18000 ഗ്രാമങ്ങളില്‍ 11000 എണ്ണത്തിലും വൈദ്യുതി എത്തിച്ചു.
8. 20 കോടി എല്‍.ഇ.ഡി ബള്‍ബുകള്‍ വിതരണം ചെയ്‍തതിലൂടെ 10000 കോടിയുടെ വൈദ്യുതി ബില്‍ ലാഭിച്ചു
9. 55 ലക്ഷം കുട്ടികള്‍ക്ക് വാക്സിനേഷന്‍ നല്‍കി.
10. കര്‍ഷകര്‍ക്ക് മെച്ചപ്പെട്ട വിത്ത്, വളം, വില, എന്നിവ ഉറപ്പാക്കി.
11. പ്രധാന്‍ മന്ത്രി സോഷ്യല്‍ ബീമാ യോജന പ്രകാരം 3.66 കോടി കര്‍ഷകര്‍ക്ക് 1.4 ലക്ഷം രൂപ വീതമുള്ള ഇൻഷുറൻസ് നല്കി.
12. ഭക്ഷ്യധാന്യങ്ങളുടെ വിലനിയന്ത്രണത്തിനായി 20 ലക്ഷം ടണ്ണിന്‍റെ കരുതല്‍ ശേഖരം.
13. ബേഠീ ബചാവോ ബേഠീ പഠാവോ പദ്ധതിയിലൂടെ കുറഞ്ഞുവന്ന ലിംഗാനുപാതത്തിന് തടയിടാൻ കഴിഞ്ഞു.
14. സുകന്യ സമൃദ്ധി പദ്ധതിയിലൂടെ ഒരു കോടിയോളം അക്കൗണ്ടുകള്‍ തുറന്നതില്‍ 11000 കോടിയുടെ നിക്ഷേപം എത്തി.
15. യുവാക്കള്‍ക്ക് തൊഴില്‍ നൈപുണ്യ പരിശീലനത്തിനായി പ്രധാന്‍ മന്ത്രി കൗശല്‍ വികാസ് യോജന.
16. കാര്‍ഷിക-കാര്‍ഷികേതര മേഖലകളില്‍ മിനിമം വേതനം 42 ശതമാനം വര്‍ധിപ്പിച്ചു.
17. ഏഴാം ശമ്പള കമ്മീഷന്‍ ശുപാര്‍ശകള്‍ നടപ്പിലാക്കിയതോടെ 50 ലക്ഷം ജീവനക്കാര്‍ക്കും 35 ലക്ഷം പെൻഷൻകാര്‍ക്കും പ്രയോജനം ലഭിച്ചു.

Important points of president's speech

President Pranab Mukherjee on Tuesday addressed Parliament on the first day of Budget session.