Kerala Budget 2023 -24: കൊച്ചിയിലും തിരുവനന്തപുരത്തും ​ഗ്രീൻ ഹൈഡ്രജൻ ഹബ്ബ്; 200 കോടിയുടെ പദ്ധതി

തിരുവനന്തപുരം: സംസ്ഥാനത്ത് രണ്ടിടങ്ങളിൽ ഹൈഡ്രജൻ ഹബ്ബുകൾ സ്ഥാപിക്കുന്നതിന് 200 കോടി രൂപയുടെ പദ്ധതി പ്രഖ്യാപിച്ച് ധനമന്ത്രി കെ എൻ ബാലഗോപാൽ. പദ്ധതിക്ക് വേണ്ടി 20 കോടി രൂപ ബജറ്റിൽ വകയിരുത്തി.

Also Read : പാവപ്പെട്ടവർക്ക് സൗജന്യ കണ്ണട; നേത്രാരോഗ്യത്തിനായി 50 കോടി, കാഴ്ച വൈകല്യങ്ങൾ ഉള്ളവർക്ക് സൗജന്യ ചികിത്സ

സംസ്ഥാനത്ത് കൊച്ചിയിലും തിരുവനന്തപുരത്തും ഓരോ ഗ്രീൻ ഹൈഡ്രജൻ ഹബ്ബുകൾ സ്ഥാപിക്കുന്നതിന് വേണ്ടിയാണ് പദ്ധതി പ്രഖ്യാപിച്ചിരിക്കുന്നത്.

2040 ഓടെ 100 ശതമാനം പുനരുപയോഗ ഊർജാധിഷ്ഠിത സംസ്ഥാമായും 2050ഓടെ നെറ്റ് കാർബൺ ന്യൂട്രാലിറ്റി സംസ്ഥാനമായും മാറാനാണ് സംസ്ഥാനം ലക്ഷ്യമിടുന്നത് എന്ന് ധനമന്ത്രി ബജറ്റ് അവതരണത്തിൽ വ്യക്തമാക്കി. ക്ലീൻ എനർജി എന്നറിയപ്പെടുന്ന ഹരിത ഹൈഡ്രജൻ ഉൽപാദനത്തിന് അനുകൂലമായ അന്തരീക്ഷം സംസ്ഥാനത്തുണ്ട്.

Also Read : Kerala Budget 2023: റബ്ബർ കർഷകർക്ക് താങ്ങ്: 600 കോടി ബജറ്റ് സബ്സിഡി

പുനരുൽപ്പാദിപ്പിക്കാൻ കഴിയുന്ന ഊർജ്ജമുപയോഗിച്ച് ഉൽപ്പാദിപ്പിക്കുന്ന ഗ്രീൻ ഹൈഡ്രജൻ പരിസ്ഥിതി സൗഹൃദ വികസനത്തിൽ പ്രധാന പങ്കുവഹിക്കാൻ കഴിയും. ദീർഘദൂരവാഹനങ്ങളിലും കപ്പലുകളിലും ഹൈഡ്രജൻ ഇന്ധനം ഉപയോഗിക്കുന്നതിലൂടെ കാർബൺ ബഹിർഗമനം വലിയ അളവിൽ കുറയുമെന്നും ധനമന്ത്രി വ്യക്തമാക്കി.

കേരളത്തിൽ വൈദ്യുത വാഹനങ്ങളുമായി ബന്ധത്തപ്പട്ട പ്രവർത്തനങ്ങൾക്കായി ടിടിപിൽ, വിഎസ്എസ്‌സി, സി-ഡിഎസി, ടിആർഇഎസ്‌ടി, എന്നിവ ഉൾത്തപ്പടുന്ന കൺസോർഷ്യം രുപീകരിച്ചിട്ടുണ്ട്. ടിആർഇഎസ്‌ടി പാർക്കിന്റെ മുൻകൈയ്യിൽ സ്ഥാപിക്കുന്ന ഇ വി ഡ്രൈവ് ട്രെയിൻ ടെസ്റ്റിംഗ് ലാബ് 2023 ജൂലൈയിൽ പ്രവർത്തനക്ഷമമാകും.

Also Read : Kerala Budget 2023 -24: കേന്ദ്ര പദ്ധതികളിൽ കേരളം അവഗണിക്കപ്പെടുന്നു; ബജറ്റിൽ കേന്ദ്ര വിമർശനം

കിഫ്ബിയുടെ പിന്തുണയോടെ ഒരു ഇ വി ഇൻഡസ്ട്രിയൽ പാർക്ക് വികസിപ്പിക്കും. ഇ വി കൺസോർഷ്യം പ്രൊജക്ടിനായി 25 കോടി രൂപ അധികമായി വകയിരുത്തുന്നതായും ധനമന്ത്രി വ്യക്തമാക്കി.

Read Latest Kerala News and Malayalam News