കേരള ബജറ്റ് ഇന്ന്: വരുമാന വർധനക്കായി ഫീസുകൾ കൂട്ടിയേക്കും

തിരുവനന്തപുരം: പിണറായി സർക്കാരിന്‍റെ മൂന്നാം ബജറ്റ് ഇന്ന് നിയമസഭയിൽ അവതരിപ്പിക്കും. കടുത്ത സാമ്പത്തിക പ്രതിസന്ധിയിൽ കൂടിയാണ് സംസ്ഥാനം കടന്നു പോകുന്നതെന്ന് ധനമന്ത്രി തോമസ് ഐസക് നേരത്തെ പ്രസ്താവിച്ചിരുന്നു. സാമ്പത്തിക അച്ചടക്ക നയങ്ങളും സാമൂഹ്യ സുരക്ഷക്ക് ഊന്നലുമാണ് ബജറ്റിൽ ഏവരും ഉറ്റു നോക്കുന്നത്.

സംസ്ഥാന സർക്കാരിന് പ്രതിസന്ധി സൃഷ്ടിക്കുന്ന മറ്റൊരു പ്രധാന മേഖല കെഎസ്ആർടിസിയാണ്. ശമ്പളവും പെൻഷനും വിതരണം ചെയ്യുന്നതിനും മത്സ്യത്തൊഴിലാളി മേഖലയുടെ പുരോഗതിക്കുള്ള പാക്കേജും ബജറ്റിൽ പ്രഖ്യാപിക്കുമെന്നാണ് സൂചന. വരുമാന വർധനയുടെ ഭാഗമായി ഫീസുകൾ, ഭൂനികുതി, കെട്ടിടനികുതി, ഭൂമിയുടെ ന്യായവില എന്നിവ വർധിപ്പിക്കാനുള്ള ശുപാർശ ബജറ്റിൽ ഉണ്ടാകും. ഇന്നലെ രാത്രി ബജറ്റിന്‍റെ വിശദാംശങ്ങൾ ധനമന്ത്രി മുഖ്യമന്ത്രിയുമായി ചർച്ച ചെയ്തു.