ജില്ലാ ആശുപത്രികളോട് ചേർന്ന് പിപിപി മാതൃകയിൽ മെഡിക്കൽ കോളേജുകൾ

ന്യൂഡൽഹി: ആരോഗ്യമേഖല ശക്തിപ്പെടുത്താൻ രാജ്യത്തെ എല്ലാ ജില്ലാ ആശുപത്രികളോട് ചേർന്നും പിപിപി മാതൃകയിൽ മെഡിക്കൽ കോളേജുകൾ സ്ഥാപിക്കുമെന്ന് ധനമന്ത്രി നിർമല സീതാരാമൻ. ആരോഗ്യ മേഖലക്ക് 69,000 കോടി രൂപ അനുവദിച്ചതിന് പുറമെയാണ് പിപിപി മാതൃകയിൽ മെഡിക്കൽ കോളേജുകൾ ആരംഭിക്കുന്നത്.

Also Read: ആരോഗ്യ മേഖലയിൽ കാര്യമായ വിഹിതം ഉയർത്തിയില്ല; വകയിരുത്തിയിരിക്കുന്നത് 69,000 കോടി രൂപ

കേന്ദ്രസർക്കാരിന് സാമ്പത്തിക ബാധ്യതയില്ലാതെ കൂടുതൽ ഡോക്ടർമാരെ ഉത്പാദിപ്പിക്കാനാണ് ഈ പദ്ധതിയിലൂടെ സർക്കാർ ലക്ഷ്യം വെക്കുന്നത്.

കാർഷിക-വ്യവസായ മേഖലകൾ ശക്തിപ്പെടുത്തുന്നതിനൊപ്പം ആരോഗ്യ മേഖലയിലും വൻ മാറ്റങ്ങൾക്ക് സാഹചര്യമൊരുക്കുന്ന ബജറ്റാണ് ധനമന്ത്രി അവതരിപ്പിച്ചത്. ജൽ ജീവൻ പദ്ധതിക്കായി 3.6 ലക്ഷം കോടിയുടെ പദ്ധതിയും നടപ്പാക്കുമെന്ന് ബജറ്റ് വ്യക്തമാക്കി.

Also Read: ജലദൗർലഭ്യം നേരിടാൻ 100 ജില്ലകളിൽ പ്രത്യേക പദ്ധതി; 20 ലക്ഷം കര്‍ഷകര്‍ക്ക് സോളാര്‍ പമ്പുകള്‍

രാജ്യത്തെ എല്ലാ ജില്ലകളിൽ ജൻ ഔഷധി കേന്ദ്രങ്ങൾ സ്ഥാപിക്കും. രാജ്യത്തെ 112 ജില്ലകളിൽ ആയുഷ് ആശുപത്രികൾ സ്ഥാപിക്കും. അതിനൊപ്പം ജീവിത ശൈലീ രോഗങ്ങൾ തടയാനുള്ള പദ്ധതികളും നടപ്പാക്കുമെന്നും ബജറ്റ് അവതരണത്തിൽ നിർമല സീതാരാമൻ പറഞ്ഞു.