പുതിയ വിദ്യാഭ്യാസ നയം ഉടനെന്ന് ധനമന്ത്രി; വിദ്യാഭ്യാസ മേഖലയ്‌ക്ക് 99,300 കോടി

ന്യൂഡൽഹി: വിദ്യാഭ്യാസ മേഖലയ്‌ക്ക് 99300 കോടിയുടെ പ്രഖ്യാപനവുമായി ധനമന്ത്രി നിർമല സീതാരാമൻ. വിദ്യാഭ്യാസ മേഖല ശക്തിപ്പെടുത്തുന്നതിൻ്റെ ഭാഗമായിട്ടാണ് കൂടുതൽ നിക്ഷേപം അനുവദിച്ചത്.

Also Read: ജലദൗർലഭ്യം നേരിടാൻ 100 ജില്ലകളിൽ പ്രത്യേക പദ്ധതി; 20 ലക്ഷം കര്‍ഷകര്‍ക്ക് സോളാര്‍ പമ്പുകള്‍

വിദ്യാഭ്യാസ മേഖലയിൽ വിദേശ നിക്ഷേപം അനുവദിക്കുമെന്നും ബജറ്റ് അവതരണ പ്രസംഗത്തിൽ ധനമന്ത്രി വ്യക്തമാക്കി. രാജ്യത്തെ 150 സർവകലാശാലകളിൽ പുതിയ കോഴ്‌സുകൾ ആരംഭിക്കും. ഇതിനായി പുതിയ വിദ്യാഭ്യാസ നയം ഉടൻ പ്രഖ്യാപിക്കുമെന്നും ധനമന്ത്രി പറഞ്ഞു.

നിരാലംബർക്കായി ഓൺലൈൻ ബിരുദ വിദ്യാഭ്യാസം ലഭ്യമാക്കും. ഇതിനൊപ്പം പോലീസ് ഫോറൻസിക് സയൻസ് സർവകലാശാലകൾ സ്ഥാപിക്കും. ടീച്ചർ, നഴ്‌സുമാർ, പാരാമെഡിക്കൻ സ്‌റ്റാഫ്, കെയർ ടേക്കേഴ്‌സ് എന്നിവർക്ക് വിദേശ രാജ്യങ്ങളിൽ തൊഴിൽ സാധ്യത കൂടുതലാണ്.

Also Read: ആരോഗ്യ മേഖലയിൽ കാര്യമായ വിഹിതം ഉയർത്തിയില്ല; വകയിരുത്തിയിരിക്കുന്നത് 69,000 കോടി രൂപ

ഈ സാഹചര്യത്തിൽ ആവശ്യമായ വിദ്യാഭ്യാസവും പരിശീലനവും നൽകാൻ ബ്രിഡ്‌ജ് കോഴ്‌സ് എന്ന പേരിൽ ആരോഗ്യമന്ത്രാലയം പ്രത്യേക പദ്ധതി തയ്യാറാക്കും. ഇതിനൊപ്പം വിദേശ ഭാഷകൾ പഠിക്കാനുള്ള അവസരങ്ങൾ കൂടുതലായി ആരംഭിക്കുമെന്നും ബജറ്റ് അവതരണത്തിൽ ധനമന്ത്രി വ്യക്തമാക്കി.