ന്യൂഡല്ഹി: 2018 ബജറ്റിൽ നികുതിയൊഴിവ് ഇനത്തിൽ പ്രതീക്ഷയ്ക്ക് വകവെക്കാമെന്ന് റിപ്പോര്ട്ട്. പുതിയ ബജറ്റില് മധ്യവര്ഗക്കാര്ക്ക് ആദായ നികുതിയിനത്തില് ഏറെ പ്രതീക്ഷയ്ക്ക് സാധ്യതയുള്ളതായാണ് റിപ്പോര്ട്ടുകൾ നൽകുന്ന സൂചന. എന്ഡിഎ സര്ക്കാരിന്റെ കാലയളവ് അവസാനിക്കാനിരിക്കെയാണ് പുതിയ ബജറ്റ് അവതരിപ്പിക്കാനൊരുങ്ങുന്നത്. അതിനാൽ തന്നെ സമ്പൂര്ണ ബജറ്റിൽ ആദായ നികുതിയിനത്തില് ശ്രദ്ധേയമായ ഇളവുകള് പ്രഖ്യാപിച്ചേക്കും. കൂടാതെ ബജറ്റിൽ നികുതിയൊഴിവ് പരിധി കൂട്ടുന്നത് ഉള്പ്പടെയുള്ള കാര്യങ്ങള് പരിഗണിക്കുകയും ചെയ്തേക്കും. ജിഎസ് ടി നടപ്പിലാക്കിയ ശേഷമുള്ള ആദ്യ പൊതുബജറ്റാണ് അവതരിപ്പിക്കാനൊരുങ്ങുന്നത്.
ആദായ നികുതിയൊഴിവിന്റെ പരിധി 2.5 ലക്ഷത്തില് നിന്ന് അഞ്ച് ലക്ഷമായി ഉയര്ത്താൻ സാധ്യതയുള്ളതായി റിപ്പോര്ട്ടുകൾ ചൂണ്ടിക്കാട്ടുന്നു. ഇനി അത് സംഭവിച്ചില്ലെങ്കിൽ ഏറ്റവും കുറഞ്ഞ പരിധി മൂന്ന് ലക്ഷം രൂപയായി നിശ്ചയിച്ചേക്കുമെന്നും വിലയിരുത്തപ്പെടുന്നു. രാജ്യത്തെ പണപ്പെരുപ്പ നിരക്കുകള് കൂടുന്നതിനാൽ നികുതി സ്ലാബ് കൂട്ടുന്നത് ഗൗരവകരമായി പരിഗണിച്ചേക്കും. മധ്യവര്ഗക്കാര്ക്കാകും ഇതിന്റെ ഗുണം കിട്ടുക. ഇത്തരത്തിലെ മാറ്റം വരുത്തിയില്ലെങ്കിലും കഴിഞ്ഞ ബജറ്റില് താഴ്ന്ന വരുമാനക്കാര്ക്ക് ആശ്വാസമാകുന്ന വിധം നികുതിയിൽ കുറവ് വരുത്തിയിരുന്നു. കഴിഞ്ഞ ബജറ്റിൽ 2.5 ലക്ഷം രൂപയ്ക്കും അഞ്ചു ലക്ഷം രൂപയ്ക്കും ഇടെ വാര്ഷിക വരുമാനം ഉള്ളവരുടെ നികുതി അഞ്ച് ശതമാനമായി കുറച്ചിരുന്നു. മുൻപ് ഇത് പത്ത് ശതമാനമായിരുന്നു.
2018-2019 സാമ്പത്തിക വര്ഷത്തേയ്ക്കുള്ള ബജറ്റ് ഫെബ്രുവരി ഒന്നിന് അവതരിപ്പിക്കാനൊരുങ്ങുകയാണ്. ഈ ബജറ്റിൽ അഞ്ച് ലക്ഷത്തിനും പത്ത് ലക്ഷത്തിനുമിടെ വാര്ഷിക വരുമാനം ഉള്ളവരുടെ നികുതി പത്ത് ശതമാനമായി കുറച്ചേക്കുമെന്നും പ്രതീക്ഷിക്കപ്പെടുന്നു. 10 ലക്ഷത്തിനും 20 ലക്ഷത്തിനുമിടെ വാര്ഷിക വരുമാനമുള്ളവരുടെ നികുതി 20 ശതമാനമായി കുറയ്ക്കാനും സാധ്യതയുണ്ട്. കൂടാതെ 20 ലക്ഷത്തിന് മുകളിൽ വാര്ഷിക വരുമാനം വാങ്ങുന്നവര്ക്ക് 30 ശതമാനം എന്ന നിലയിലും നികുതി പരിഷ്കരിച്ചേക്കുമെന്നും വിദഗ്ധര് അഭിപ്രായപ്പെടുന്നു.
ആദായ നികുതിയൊഴിവിന്റെ പരിധി 2.5 ലക്ഷത്തില് നിന്ന് അഞ്ച് ലക്ഷമായി ഉയര്ത്താൻ സാധ്യതയുള്ളതായി റിപ്പോര്ട്ടുകൾ ചൂണ്ടിക്കാട്ടുന്നു. ഇനി അത് സംഭവിച്ചില്ലെങ്കിൽ ഏറ്റവും കുറഞ്ഞ പരിധി മൂന്ന് ലക്ഷം രൂപയായി നിശ്ചയിച്ചേക്കുമെന്നും വിലയിരുത്തപ്പെടുന്നു. രാജ്യത്തെ പണപ്പെരുപ്പ നിരക്കുകള് കൂടുന്നതിനാൽ നികുതി സ്ലാബ് കൂട്ടുന്നത് ഗൗരവകരമായി പരിഗണിച്ചേക്കും. മധ്യവര്ഗക്കാര്ക്കാകും ഇതിന്റെ ഗുണം കിട്ടുക. ഇത്തരത്തിലെ മാറ്റം വരുത്തിയില്ലെങ്കിലും കഴിഞ്ഞ ബജറ്റില് താഴ്ന്ന വരുമാനക്കാര്ക്ക് ആശ്വാസമാകുന്ന വിധം നികുതിയിൽ കുറവ് വരുത്തിയിരുന്നു. കഴിഞ്ഞ ബജറ്റിൽ 2.5 ലക്ഷം രൂപയ്ക്കും അഞ്ചു ലക്ഷം രൂപയ്ക്കും ഇടെ വാര്ഷിക വരുമാനം ഉള്ളവരുടെ നികുതി അഞ്ച് ശതമാനമായി കുറച്ചിരുന്നു. മുൻപ് ഇത് പത്ത് ശതമാനമായിരുന്നു.
2018-2019 സാമ്പത്തിക വര്ഷത്തേയ്ക്കുള്ള ബജറ്റ് ഫെബ്രുവരി ഒന്നിന് അവതരിപ്പിക്കാനൊരുങ്ങുകയാണ്. ഈ ബജറ്റിൽ അഞ്ച് ലക്ഷത്തിനും പത്ത് ലക്ഷത്തിനുമിടെ വാര്ഷിക വരുമാനം ഉള്ളവരുടെ നികുതി പത്ത് ശതമാനമായി കുറച്ചേക്കുമെന്നും പ്രതീക്ഷിക്കപ്പെടുന്നു. 10 ലക്ഷത്തിനും 20 ലക്ഷത്തിനുമിടെ വാര്ഷിക വരുമാനമുള്ളവരുടെ നികുതി 20 ശതമാനമായി കുറയ്ക്കാനും സാധ്യതയുണ്ട്. കൂടാതെ 20 ലക്ഷത്തിന് മുകളിൽ വാര്ഷിക വരുമാനം വാങ്ങുന്നവര്ക്ക് 30 ശതമാനം എന്ന നിലയിലും നികുതി പരിഷ്കരിച്ചേക്കുമെന്നും വിദഗ്ധര് അഭിപ്രായപ്പെടുന്നു.