നിസ്സാരക്കാരല്ല ഇന്ത്യൻ കമ്പനികൾ; യുഎസിൽ സൃഷ്ടിച്ചത് 125,000 തൊഴിൽ അവസരങ്ങൾ

കൊച്ചി: ഇന്ത്യയിലും യുഎസിലും എല്ലാം തൊഴിൽ ഇല്ലായ്മ രൂക്ഷമാകുന്നുണ്ട്. യുഎസിൽ ഇന്ത്യൻ കമ്പനികൾ പുതിയ തൊഴിലവസരങ്ങൾ സൃഷ്ടിയ്ക്കുന്നതിൽ ഒട്ടും പിന്നിൽ അല്ല താനും.

155 ഇന്ത്യൻ കമ്പനികൾ ചേ‍ര്‍ന്ന് യുഎസിൽ സൃഷ്ടിച്ചത് 125,000 തൊഴിൽ അവസരങ്ങളാണ്. ടെക്സാസ്, ന്യൂ ജേഴ്സി, ന്യൂയോ‍ര്‍ക്ക്, ഫ്ലോറിഡ തുടങ്ങിയ യുഎസ് നഗരങ്ങളിലാണ് തൊഴിലുകളിൽ അധികവും സൃഷ്ടിയ്ക്കപ്പെട്ടത്. ടെക്സാസിൽ ആണ് ഏറ്റവുമധികം അവസരങ്ങൾ സൃഷ്ടിച്ചത്. 17,578 തൊഴിൽ അവസരങ്ങൾ.

155 കമ്പനികൾ ചേ‍ര്‍ന്ന് 2,200 കോടി ഡോളറാണ് യുഎസിൽ നിക്ഷേപിച്ചിരിയ്ക്കുന്നത്. കോൺഫെ‍ഡറേഷൻ ഓഫ് ഇന്ത്യൻ ഇൻഡസ്ട്രിയാണ് വിവരങ്ങൾ പുറത്ത് വിട്ടത്. യുഎസിലെ ഏതാണ്ട് എല്ലാ നഗരങ്ങളിലും ബിസിനസ് ഉള്ള കമ്പനികൾ ആണിത്.

Also Read: കോഫി കമ്പനികളുടെ ഓഹരികൾ ഉണ്ടോ? കാശു വാരാം; കാരണം സിംപിൾ

ടെക്സാസിൽ ആണ് ഇന്ത്യൻ കമ്പനികൾ ഏറ്റവും കൂടുതൽ നിക്ഷേപം നടത്തിയിരിക്കുന്നത്. 950 കോടി ഡോള‍ര്‍. ന്യൂജേഴ്സിയിൽ 240 കോടി ഡോളറാണ് നിക്ഷേപം നടത്തിയിരിക്കുന്നത്. 20 ഓളം യുഎസ് സ്റ്റേറ്റുകളിൽ 10 കോടി ഡോള‍ര്‍ വീതമാണ് മിക് ഇന്ത്യൻ കമ്പനികളുടെയും നിക്ഷേപം.

ബിസിനസുകൾക്ക് ഏറ്റവും അനുയോജ്യമായ മണ്ണായി ഇന്ത്യൻ കമ്പനികളിൽ അധികവും കാണുന്നത് യുഎസിനെ ആണ് എന്നത് ശ്രദ്ധേയമാണ്. അമേരിക്കൻ പ്രസിഡൻറ് ഡൊണാൾഡ് ട്രംപ് ഇന്ത്യാ സന്ദർശന വേളയിൽ ഇന്ത്യൻ ബിസിനസുകാരുമായി ചർച്ച നടത്തിയിരുന്നു. യുഎസിൽ നിക്ഷേപം നടത്തുന്നവർക്ക് നികുതി ഇളവുകൾ ഉൾപ്പെടെ പ്രഖ്യാപിച്ചിരുന്നു.