ന്യൂഡല്‍ഹി: കേന്ദ്ര സര്‍ക്കാര്‍ നിരോധിച്ച 1000, 500 രുപാ നോട്ടുകളുടെ 99 ശതമാനവും തിരിച്ചെത്തിയെന്ന് റിസര്‍വ് ബാങ്ക് ഓഫ് ഇന്ത്യ (ആര്ബിഐ). റിസര്‍വ് ബാങ്കിന്‍റെ വാര്‍ഷിക റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്.
നോട്ട് നിരോധനത്തിനു മുന്‍പ് 15.40-15.5 ലക്ഷം കോടി രൂപയുടെ 500, 1000 രൂപാ നോട്ടുകളാണ് പ്രചാരത്തില്‍ ഉണ്ടായിരുന്നത്. ഇതില്‍ ജൂണ്‍ 30 വരെ 15.28 ലക്ഷം കോടി രൂപ തിരിച്ചെത്തിയതായി റിസര്‍വ് ബാങ്ക് വാര്‍ഷിക റിപ്പോര്‍ട്ട് ചൂണ്ടിക്കാട്ടുന്നു. കഴിഞ്ഞ ഒരു വര്‍ഷത്തിനിടെ പ്രചാരത്തിലുള്ള നോട്ടുകളുടെ എണ്ണത്തില്‍ 20.2 ശതമാനം കുറവുണ്ടായതായും റിപ്പോര്‍ട്ടില്‍ വ്യക്തമാക്കിയിട്ടുണ്ട്. റിസര്‍വ് ബാങ്കിന്‍റെ കണക്ക് പ്രകാരം 2017 മാര്‍ച്ചില്‍ 13.1 ലക്ഷം കോടി രൂപയുടെ നോട്ടുകളാണ് പ്രചാരത്തിലുള്ളത്.
പ്രചാരത്തിലുള്ള മൊത്തം നോട്ടുകളുടെ 50.2 ശതമാനവും പുതിയതായി പുറത്തിറക്കിയ 2000 രൂപയുടെ നോട്ടാണ്. കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷം പിടിച്ചെടുത്ത കള്ളനോട്ടുകളുടെ എണ്ണത്തിലും വര്‍ധന ഉണ്ടായിട്ടുണ്ട്. 2015-16 സാമ്പത്തികവര്‍ഷത്തില്‍ 6.32 ലക്ഷം എണ്ണം കള്ളനോട്ടുകള്‍ പിടിച്ചെടുത്തപ്പോള്‍ 2016-17 സാമ്പത്തിക വര്‍ഷം 7.62 ലക്ഷം എണ്ണം കള്ളനോട്ടുകളാണ് പിടിച്ചെടുത്തത്.
99% Of Banned 1000, 500 Rupee Notes Returned, Says RBI
The Reserve Bank of India, in its annual report, stated that 99% Of banned 1000, 500 rupee notes were returned.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
