രാജ്യത്തെ 99 ശതമാനം ബിസിനസുകളും ഇപ്പോൾ എംഎസ്എംഇ പരിധിയിൽ

കൊച്ചി: സൂക്ഷ്മ ചെറുകിട സംരംഭങ്ങളുടെ നിര്‍വചനത്തിൽ ധനമന്ത്രാലയം മാറ്റം വരുത്തിയതോടെ രാജ്യത്തെ 99 ശതമാനം ബിസിനസുകളും ഇപ്പോൾ എംഎസ്എംഇ നിര്‍വചനത്തിൻെറ പരിധിയിൽ. നിക്ഷേപത്തിൻെറയും വിറ്റുവരവിൻെറയും അടിസ്ഥാനത്തിൽ ആണ് പുതിയ നിര്‍വചനം. അഞ്ചു കോടിയിൽ കൂടാതെ വിറ്റുവരവുള്ളതും ഒരു കോടി രൂപ വരെ നിക്ഷേപം ഉള്ളതുമായ സംരംഭങ്ങൾ ഇപ്പോൾ സൂക്ഷ്മ സംരംഭങ്ങളുടെ പരിധിയിൽ ആണ് വരുന്നത്.

10 കോടി രൂപ വരെ നിക്ഷേപവും 50 കോടി രൂപ വരെ വിറ്റുവരവും ഉള്ളവ ചെറുകിട സംരംഭങ്ങളുടെ പരിധിയിലും 50 കോടി രൂപ വരെ നിക്ഷേപം ആകര്‍ഷിയ്ക്കുകയും 250 കോടി വരെ വിറ്റുവരവുള്ളതുമായ സംരംഭങ്ങൾ ഇടത്തരം സംരംഭങ്ങളുടെ പരിധിയിൽ പെടുന്നു.

Also Read: യുഎസ് എച്ച്1ബി വിസ നിരോധനം; ഇന്ത്യൻ ഐടി കമ്പനികളുടെ നഷ്ടം 1,200 കോടി

ജിഎസ്ടി നെറ്റ്വര്‍ക്കിൽ രജിസ്റ്റര്‍ ചെയ്തിരിയ്ക്കുന്ന സ്ഥാപനങ്ങളിൽ 50 ശതമനത്തോളം 20 ലക്ഷം രൂപയിൽ താഴെ വിറ്റുവരവ് ഉള്ളതാണെന്ന് പറയുന്നു. നിര്‍വചനത്തിന് വിറ്റുവരവിനെയും നിക്ഷേപത്തെയും അടിസ്ഥാനമാക്കി പുതിയ മാനദണ്ഡം കൊണ്ടുവന്നത് ശാസ്ത്രീയമല്ല എന്നതാണ് പ്രധാന ആക്ഷേപം.