അദാനി ഗ്രൂപ്പ് എയർ ഇന്ത്യ വാങ്ങുമോ? താൽപ്പര്യപത്രം വൈകും

ന്യൂഡൽഹി: എയര്‍ ഇന്ത്യ വാങ്ങാൻ താൽപ്പര്യം പ്രകടിപ്പിച്ച് അദാനി ഗ്രൂപ്പ്. ഇതിനുള്ള താൽപ്പര്യ പത്രം സമര്‍പ്പിയ്ക്കാൻ കമ്പനി തയ്യാറെടുക്കുകയാണ് എന്നാണ് സൂചന. ലേലത്തിൽ പങ്കെടുക്കാനായാൽ അദാനി ഗ്രൂപ്പിൻറെ ബിസിനസ് വിപുലീകരണം എന്ന നിലയിലും ഇത് ശ്രദ്ധേയമാകും. മൈനിങ് ആൻഡ് മിനറൽ, ഭക്ഷ്യ എണ്ണ വിതരണം തുടങ്ങിയ മേഖലകളിൽ ആണ് ഇപ്പോൾ അദാനി ഗ്രൂപ്പ് പ്രവ‍ര്‍ത്തിയ്ക്കുന്നത്.

എയര്‍പോര്‍ട്ടുകളുടെ പ്രവ‍ര്‍ത്തന, മെയിൻറനൻസ് പ്രവ‍ര്‍ത്തനങ്ങളും കമ്പനി ഏറ്റെടുത്ത് നടത്തുന്നുണ്ട്. എയര്‍ ഇന്ത്യ ഏറ്റെടുക്കാനായാൽ ഏവിയേഷൻ രംഗത്തും ബിസിനസ് നിപുലീകരിയ്ക്കാൻ കമ്പനിയ്ക്കാകും. എന്നാൽ ഇതേക്കുറിച്ച് പ്രതികരിയ്ക്കാൻ കമ്പനി തയ്യാറായിട്ടില്ല.

Also Read: യുഎസുമായുള്ള വലിയ വ്യാപാര കരാർ ഉടൻ; പ്രധാനമന്ത്രി

എന്തായാലും എയര്‍ ഇന്ത്യയ്ക്കായി താൽപ്പര്യപത്രം സമര്‍പ്പിയ്ക്കാനുള്ള തിയതി സര്‍ക്കാര്‍ നീട്ടി നൽകാൻ ഒരുങ്ങുകയാണ്. ഇത് സംബന്ധിച്ച പുതിയ തീയതി സര്‍ക്കാര്‍ ഈ വര്‍ഷം സമര്‍പ്പിച്ചേക്കും. മാര്‍ച്ച് 17 ആയിരുന്നു മുമ്പ് പ്രഖ്യാപിച്ചിരുന്ന കാലാവധി. ഇതാണ് നീട്ടി നൽകുന്നത്. ലേലത്തിൽ പങ്കെടുക്കുന്നവ‍ര്‍ക്ക് ഫെബ്രുവരി 11 മുതൽ മാര്‍ച്ച് ആറ് വരെ സംശയങ്ങൾ ഉന്നയിക്കാനും അവസരമുണ്ട്.