ഒരു അദാനി ഓഹരി; നിക്ഷേപം കുറച്ച് എൽഐസിയും, മ്യൂച്വൽ ഫണ്ടുകളും

പുതിയ സാമ്പത്തിക വർഷത്തിലെ ഷെയർ ഹോൾഡിങ് കണക്കുകൾ ലഭ്യമായിത്തുടങ്ങി. കൂടുതൽ റേറ്റിങ്ങുള്ള കമ്പനികളുടെ ഷെയർ ഹോൾഡിങ് പാറ്റേൺ പലപ്പോഴും റീടെയിൽ നിക്ഷേപകർക്ക് സഹായകമായിത്തീരാറുണ്ട്. ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ (എൽഐസി), മ്യൂച്വൽ ഫണ്ട് ഹൗസുകൾ എന്നിവ അദാനി പോർട്സ് & സ്പെഷ്യൽ ഇക്കണോമിക് സോണിലെ ഓഹരി പങ്കാളിത്തം കുറച്ചു എന്നതാണ് പുതിയ വാർത്ത.

അദാനി പോർട്സിന്റെ ഷെയർ ഹോൾഡിങ് ഡാറ്റ പ്രകാരം, മ്യൂച്വൽ ഫണ്ടുകൾ ഓഹരി പങ്കാളിത്തം കുറച്ചിട്ടുണ്ട്. കഴിഞ്ഞ ജനുവരി-മാർച്ച് പാദത്തിൽ 4.43 ശതമാനത്തിൽ നിന്ന് 3.09 ശതമാനത്തിലേക്കാണ് ഹോൾഡിങ് കുറഞ്ഞത്. ഇതേ കാലയളവിൽ എൽഐസിയുടെ ഓഹരി പങ്കാളിത്തം 9.14% എന്നതിൽ നിന്ന് 9.12% എന്നതിലേക്ക് കുറഞ്ഞു.


അദാനി പോർട്സിലെ മ്യൂച്വൽ ഫണ്ട് ഷെയർ ഹോൾഡിങ്
കഴിഞ്ഞ ജനുവരി-മാർ‍ച്ച് പാദത്തിൽ 6,67,29,749 അദാനി പോർട്സ് ഓഹരികളാണ് മ്യൂച്വൽ ഫണ്ടുകൾ ഹോൾഡ് ചെയ്തിരുന്നത്. കമ്പനിയുടെ ആകെ പെയ്ഡ് അപ് ക്യാപിറ്റലിന്റെ 3.09% പങ്കാളിത്തമാണ് ഇത്.

2022 ഒക്ടോബർ-ഡിസംബർ പാദത്തിൽ, മ്യൂച്വൽ ഫണ്ടുകൾ 9,56,91,283 ഓഹരികളാണ് ഹോൾഡ് ചെയ്തിരുന്നത്. ഇത് കമ്പനിയുടെ ആകെ പെയ്ഡ് അപ് ക്യാപിറ്റലിന്റെ 4.43% ആയിരുന്നു. അതായത്, ഇക്കഴിഞ്ഞ മാർച്ചിൽ അവസാനിച്ച പാദത്തിൽ, മ്യൂച്വൽ ഫണ്ടുകൾ 2,89,61,534 അദാനി പോർട്സ് ഓഹരികൾ അഥവാ 1.34% ഓഹരികൾ വിറ്റൊഴിഞ്ഞു.

Also Read : Adani Stock:അദാനി വിൽമറിന്റെ വരുമാനം 14% വർധിച്ച് 55,000 കോടി രൂപയിലെത്തി; കഴിഞ്ഞ സാമ്പത്തിക വർഷത്തെ കണക്കുകൾ
അദാനി പോർട്സിലെ എൽഐസി ഷെയർ ഹോൾഡിങ്
കഴിഞ്ഞ ജനുവരി-മാർ‍ച്ച് പാദത്തിൽ 19,70,26,194 അദാനി പോർട്സ് ഓഹരികളാണ് എൽഐസി ഹോൾഡ് ചെയ്തിരുന്നത്. കമ്പനിയുടെ ആകെ പെയ്ഡ് അപ് ക്യാപിറ്റലിന്റെ 9.12% പങ്കാളിത്തമാണ് ഇത്.

2022 ഒക്ടോബർ-ഡിസംബർ പാദത്തിൽ, എൽഐസി, 19,75,26,194 ഓഹരികളാണ് ഹോൾഡ് ചെയ്തിരുന്നത്. ഇത് കമ്പനിയുടെ ആകെ പെയ്ഡ് അപ് ക്യാപിറ്റലിന്റെ 9.14% ആയിരുന്നു. അതായത്, ഇക്കഴിഞ്ഞ മാർച്ചിൽ അവസാനിച്ച പാദത്തിൽ, എൽഐസി 5 ലക്ഷം അദാനി പോർട്സ് ഓഹരികൾ അഥവാ 0.02% ഓഹരികൾ വിറ്റൊഴിഞ്ഞു.

Also Read : ഹിൻഡൻബർ​ഗെന്ന പ്രകമ്പനത്തിന് 75 ദിവസം; 10 അദാനി ഓഹരികളുടെ ഇപ്പോഴത്തെ നിലയെന്ത്?
ജനുവരിയിൽ ഹിൻഡൻബർഗ് റിപ്പോർട്ട് പുറത്തു വന്നതിനു ശേഷം അദാനി ഗ്രൂപ്പ് ഓഹരികളിൽ എൽഐസി നിക്ഷേപം നടത്തിയത് സംബന്ധിച്ച് വിമർശനമുയർന്നിരുന്നു. എന്നാൽ നിലവിൽ 0.02% ഓഹരി പങ്കാളിത്തം മാത്രമാണ് എൽഐസി കുറച്ചിരിക്കുന്നത് എന്നതും ശ്രദ്ധേയമാണ്.

Disclaimer : ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല

Read Latest Business News and Malayalam News