ഓണക്കാലം പരസ്യകാലം കൂടിയാണ്. നിങ്ങളെ ആകർഷിക്കാൻ എന്തൊക്കെ മാർഗങ്ങളാണ് കമ്പനികൾ പരസ്യങ്ങളിലൂടെ സ്വീകരിക്കുന്നത് എന്ന് അറിഞ്ഞിരിക്കുന്നത് കൗതുകകരമാണ്.
ആളുകൾ സ്വന്തം കയ്യിലിരിക്കുന്ന പണം ചിലവഴിക്കാൻ മടി കാണിക്കുമ്പോൾ അവരെ അതിനു പ്രേരിപ്പിച്ചെങ്കിൽ മാത്രമാണ് ബിസിനസുകൾക്ക് നിലനിൽപ്പുള്ളു. ഇതിനായി ഉപയോഗിക്കുന്ന ഏറ്റവും മികച്ച മാർഗമാണ് പരസ്യങ്ങൾ. പരസ്യം ഒരു കലയാണ്. കാലങ്ങളായി അവ നമുക്കിടയിലുണ്ട്. അവയുടെ രൂപവും, ഭാവവും ഇടയ്ക്കിടെ മാറിക്കൊണ്ടിരിക്കുമെങ്കിലും ഉദ്ദേശത്തിന് ഒരിക്കലും മാറ്റമുണ്ടാവുന്നില്ല. ആളുകളെക്കൊണ്ട് സാധനങ്ങൾ വാങ്ങിപ്പിക്കുക എന്നതാണ് അവയുടെ എക്കാലത്തെയും ലക്ഷ്യം.
പരസ്യങ്ങളുടെ തന്ത്രങ്ങളുടെ അടിസ്ഥാനം മനുഷ്യന്റെ സൈക്കോളജിയാണ്. ഒരു വ്യക്തി ഒരു സാധനം വാങ്ങുന്നത് അയാൾക്ക് അത് ആവശ്യമുള്ളതു കൊണ്ടാണ്. അതിനാൽ ഒരു സാധനം നിങ്ങൾ വാങ്ങണമെങ്കിൽ അത് ആവശ്യമാണെന്ന തോന്നൽ നിങ്ങൾക്കുണ്ടാകണം. ആ തോന്നൽ ഉണ്ടായിക്കഴിഞ്ഞാൽ നിങ്ങൾ വില നോക്കും.(വില അധികം നോക്കാതെ വാങ്ങുന്ന ലക്ഷ്വറി ഉല്പന്നങ്ങളെ തൽക്കാലം മാറ്റിനിർത്താം). പിന്നെ ഗ്യാരണ്ടി, വാറന്റി എന്നിവയെല്ലാം അന്വേഷിക്കും. നിങ്ങൾ നൽുകന്ന പണത്തിന് തക്ക മൂല്യമുള്ള ഉല്പന്നമാണോ അത് എന്ന് നിങ്ങൾ ചെക്ക് ചെയ്യും. ഇവയെല്ലാം ചേരുമ്പോഴാണ് സാധനം വാങ്ങാൻ പേഴ്സ് തുറക്കുന്നത്. ആ പോയിന്റ് വരെ കസ്റ്റമറെ എത്തിക്കുക എന്ന ഭാരിച്ച ഉത്തരവാദിത്തമാണ് പരസ്യങ്ങൾക്കുള്ളത്.
മനുഷ്യന്റെ ചിന്ത ബിസിനസിന്റെ ശത്രുവാണെന്നു പറയാം. നിങ്ങൾക്ക് ആലോചിക്കാൻ സമയം കിട്ടിയാൽ ചിലപ്പോൾ യുക്തി ചിന്ത കയറിവരികയും സാധനം വാങ്ങുക എന്ന തീരുമാനം ഉപേക്ഷിക്കുകയോ, നീട്ടി വെക്കുകയോ ചെയ്യാനും സാധ്യതയുണ്ട്. പരസ്യങ്ങൾ ഏറ്റവും അധികം ഉപയോഗിക്കുന്ന രണ്ടു വാക്കുകൾ ഇവിടെ ബിസിനസിന്റെ സഹായത്തിനെത്തുന്നു. നിങ്ങൾ (YOU) എന്നതും, ഇപ്പോൾ (NOW) എന്നതുമാണ് അവ. നിങ്ങൾ എന്ന വാക്ക് ഉപഭോക്താവിനെ പിടിച്ചു നിർത്തുന്നു. ഇപ്പോൾ എന്ന വാക്ക് നിങ്ങളെ ചിന്തിക്കാൻ അനുവദിക്കാതിരിക്കുന്നു. ഓഫർ ഇപ്പോൾ തീരുമെന്നും, പെട്ടെന്ന് വാങ്ങിക്കാം എന്നും, രണ്ട് സ്റ്റോക്കേ ബാക്കിയുള്ളൂ എന്നുമൊക്കെ പറയുന്നത് ഇതിന്റെ ഭാഗമാണ്.
ഉല്പന്നങ്ങളുടെ മിഴിവാർന്ന ചിത്രങ്ങൾ പരസ്യങ്ങളുടെ പ്രധാന ഘടകമാണ്. പ്രൊഡക്ടിന്റെ രൂപവും, ഭാവവും അത് അവതരിപ്പിക്കുന്ന രീതിയും പ്രഫഷണൽ ഗവേഷണങ്ങൾക്കു ശേഷമാണ്. വ്യവസ്ഥകൾ ബാധകം എന്നു പറയുന്നതു പോലും തന്ത്രപൂർവം മറയ്ക്കപ്പെടുന്നു എന്നു പറയാം.
ഒന്നെടുത്താൽ ഒന്ന് സൗജന്യം നൽകുന്നതും, ക്യാഷ് ബാക്കുകൾ നൽകുന്നതും കമ്പനികൾ ലാഭം ഉറപ്പാക്കിയിട്ടു തന്നെയാണ്.
ഒരു സാധനം ആവശ്യമുണ്ട് എന്ന തോന്നൽ ഉണ്ടായിക്കഴിഞ്ഞാൽ അടുത്തതായി അത് മനുഷ്യന്റെ കണ്ണുകൾക്ക് ഇഷ്ടപ്പെടണം. അതിനാൽത്തന്നെ പരസ്യങ്ങളോടൊപ്പം ഉല്പന്നങ്ങളും അണിഞ്ഞൊരുങ്ങിയാണ് നിങ്ങളുടെ മുന്നിലേക്കെത്തുക. കടുത്ത വിപണി മത്സരത്തിന്റെ ലോകത്ത് വേറിട്ടു നിൽക്കാനാണ് ഓരോ ബിസിനസും കിണഞ്ഞു പരിശ്രമിച്ചു കൊണ്ടിരിക്കുന്നത്. അതിന് വലിയ കൈത്താങ്ങാവുകയാണ് പരസ്യ മേഖല.
ആളുകൾ സ്വന്തം കയ്യിലിരിക്കുന്ന പണം ചിലവഴിക്കാൻ മടി കാണിക്കുമ്പോൾ അവരെ അതിനു പ്രേരിപ്പിച്ചെങ്കിൽ മാത്രമാണ് ബിസിനസുകൾക്ക് നിലനിൽപ്പുള്ളു. ഇതിനായി ഉപയോഗിക്കുന്ന ഏറ്റവും മികച്ച മാർഗമാണ് പരസ്യങ്ങൾ. പരസ്യം ഒരു കലയാണ്. കാലങ്ങളായി അവ നമുക്കിടയിലുണ്ട്. അവയുടെ രൂപവും, ഭാവവും ഇടയ്ക്കിടെ മാറിക്കൊണ്ടിരിക്കുമെങ്കിലും ഉദ്ദേശത്തിന് ഒരിക്കലും മാറ്റമുണ്ടാവുന്നില്ല. ആളുകളെക്കൊണ്ട് സാധനങ്ങൾ വാങ്ങിപ്പിക്കുക എന്നതാണ് അവയുടെ എക്കാലത്തെയും ലക്ഷ്യം.
പരസ്യങ്ങളുടെ തന്ത്രങ്ങളുടെ അടിസ്ഥാനം മനുഷ്യന്റെ സൈക്കോളജിയാണ്. ഒരു വ്യക്തി ഒരു സാധനം വാങ്ങുന്നത് അയാൾക്ക് അത് ആവശ്യമുള്ളതു കൊണ്ടാണ്. അതിനാൽ ഒരു സാധനം നിങ്ങൾ വാങ്ങണമെങ്കിൽ അത് ആവശ്യമാണെന്ന തോന്നൽ നിങ്ങൾക്കുണ്ടാകണം. ആ തോന്നൽ ഉണ്ടായിക്കഴിഞ്ഞാൽ നിങ്ങൾ വില നോക്കും.(വില അധികം നോക്കാതെ വാങ്ങുന്ന ലക്ഷ്വറി ഉല്പന്നങ്ങളെ തൽക്കാലം മാറ്റിനിർത്താം). പിന്നെ ഗ്യാരണ്ടി, വാറന്റി എന്നിവയെല്ലാം അന്വേഷിക്കും. നിങ്ങൾ നൽുകന്ന പണത്തിന് തക്ക മൂല്യമുള്ള ഉല്പന്നമാണോ അത് എന്ന് നിങ്ങൾ ചെക്ക് ചെയ്യും. ഇവയെല്ലാം ചേരുമ്പോഴാണ് സാധനം വാങ്ങാൻ പേഴ്സ് തുറക്കുന്നത്. ആ പോയിന്റ് വരെ കസ്റ്റമറെ എത്തിക്കുക എന്ന ഭാരിച്ച ഉത്തരവാദിത്തമാണ് പരസ്യങ്ങൾക്കുള്ളത്.
മനുഷ്യന്റെ ചിന്ത ബിസിനസിന്റെ ശത്രുവാണെന്നു പറയാം. നിങ്ങൾക്ക് ആലോചിക്കാൻ സമയം കിട്ടിയാൽ ചിലപ്പോൾ യുക്തി ചിന്ത കയറിവരികയും സാധനം വാങ്ങുക എന്ന തീരുമാനം ഉപേക്ഷിക്കുകയോ, നീട്ടി വെക്കുകയോ ചെയ്യാനും സാധ്യതയുണ്ട്. പരസ്യങ്ങൾ ഏറ്റവും അധികം ഉപയോഗിക്കുന്ന രണ്ടു വാക്കുകൾ ഇവിടെ ബിസിനസിന്റെ സഹായത്തിനെത്തുന്നു. നിങ്ങൾ (YOU) എന്നതും, ഇപ്പോൾ (NOW) എന്നതുമാണ് അവ. നിങ്ങൾ എന്ന വാക്ക് ഉപഭോക്താവിനെ പിടിച്ചു നിർത്തുന്നു. ഇപ്പോൾ എന്ന വാക്ക് നിങ്ങളെ ചിന്തിക്കാൻ അനുവദിക്കാതിരിക്കുന്നു. ഓഫർ ഇപ്പോൾ തീരുമെന്നും, പെട്ടെന്ന് വാങ്ങിക്കാം എന്നും, രണ്ട് സ്റ്റോക്കേ ബാക്കിയുള്ളൂ എന്നുമൊക്കെ പറയുന്നത് ഇതിന്റെ ഭാഗമാണ്.
ഉല്പന്നങ്ങളുടെ മിഴിവാർന്ന ചിത്രങ്ങൾ പരസ്യങ്ങളുടെ പ്രധാന ഘടകമാണ്. പ്രൊഡക്ടിന്റെ രൂപവും, ഭാവവും അത് അവതരിപ്പിക്കുന്ന രീതിയും പ്രഫഷണൽ ഗവേഷണങ്ങൾക്കു ശേഷമാണ്. വ്യവസ്ഥകൾ ബാധകം എന്നു പറയുന്നതു പോലും തന്ത്രപൂർവം മറയ്ക്കപ്പെടുന്നു എന്നു പറയാം.
ഒന്നെടുത്താൽ ഒന്ന് സൗജന്യം നൽകുന്നതും, ക്യാഷ് ബാക്കുകൾ നൽകുന്നതും കമ്പനികൾ ലാഭം ഉറപ്പാക്കിയിട്ടു തന്നെയാണ്.
ഒരു സാധനം ആവശ്യമുണ്ട് എന്ന തോന്നൽ ഉണ്ടായിക്കഴിഞ്ഞാൽ അടുത്തതായി അത് മനുഷ്യന്റെ കണ്ണുകൾക്ക് ഇഷ്ടപ്പെടണം. അതിനാൽത്തന്നെ പരസ്യങ്ങളോടൊപ്പം ഉല്പന്നങ്ങളും അണിഞ്ഞൊരുങ്ങിയാണ് നിങ്ങളുടെ മുന്നിലേക്കെത്തുക. കടുത്ത വിപണി മത്സരത്തിന്റെ ലോകത്ത് വേറിട്ടു നിൽക്കാനാണ് ഓരോ ബിസിനസും കിണഞ്ഞു പരിശ്രമിച്ചു കൊണ്ടിരിക്കുന്നത്. അതിന് വലിയ കൈത്താങ്ങാവുകയാണ് പരസ്യ മേഖല.