എയർ ഏഷ്യ ഇനി ടാറ്റക്ക് സ്വന്തം

എയർ ഏഷ്യയുടെ മുഴുവൻ ഓഹരികളും ഇനി ടാറ്റയുടേതാകും. എയർ ഏഷ്യയുടെ മുഴുവൻ ഓഹരികളും വാങ്ങാൻ എയർ ഇന്ത്യക്ക് അനുമതി ലഭിച്ചു. എയർ ഏഷ്യയുടെ 83.67 ശതമാനം ഓഹരികളും ഏറ്റെടുക്കാൻ കോമ്പറ്റീഷൻ കമ്മീഷൻ ഓഫ് ഇന്ത്യ എയർ ഇന്ത്യക്ക് അംഗീകാരം നൽകി. രണ്ട് എയർലൈനുകളും ലയിപ്പിക്കാനുള്ള ഗ്രൂപ്പിന്റെ പദ്ധതികൾക്കാണ് തുടക്കമിടാൻ പോകുന്നത്.

നിലവിൽ ടാറ്റ ഗ്രൂപ്പ് എയർ ഇന്ത്യ, എയർ ഇന്ത്യ എക്സ്പ്രസ്, എയർ ഏഷ്യ ഇന്ത്യ, വിസ്താര എന്നീ നാല് എയർലൈനുകളുടെ ഉടമയായി മാറി. എയർ ഇന്ത്യയും വിസ്താരയും ആഭ്യന്തര- അന്തർദേശീയ റൂട്ടുകളിൽ സർവീസ് നടത്തുന്നുണ്ട്. എന്നാൽ എയർഏഷ്യ ഇന്ത്യ ആഭ്യന്തര യാത്രകൾ മാത്രമാണ് നടത്താറുള്ളത്. അതേ സമയം എയർ ഇന്ത്യ എക്സ്പ്രസ് അന്താരാഷ്ട്ര റൂട്ടുകളിൽ മാത്രമാണ് സഞ്ചരിക്കുന്നത്. എയർ ഇന്ത്യയ്ക്കും എയർ ഏഷ്യയ്ക്കും കൂടി ഇന്ത്യയിൽ 13 ശതമാനം വിപണി വിഹിതമുണ്ട്. എയർ ഏഷ്യ ഇന്ത്യയെ എയർ ഇന്ത്യ എക്‌സ്‌പ്രസുമായി ലയിപ്പിക്കാനുള്ള ആലോചനകൾ ടാറ്റ നടത്തി വരുന്നുണ്ടെന്നാണ് റിപ്പോർട്ടുകൾ. എന്നാൽ വിസ്താരയെ സംബന്ധിച്ച കാര്യങ്ങളിൽ ഒന്നും അന്തി‌മ തീരുമാനമായിട്ടില്ല.

ട്രെയിന്‍ യാത്രയില്‍ ഇനി ഇന്ത്യയെ പഠിക്കാം; ആദ്യ 'ഭാരത് ​ഗൗരവ്' ട്രെയിൻ ഫ്ലാഗ് ഓഫ് ചെയ്തു
എയർ ഇന്ത്യ തങ്ങളുടെ ഫ്ലാഗ്ഷിപ്പ് എയർലൈൻ കമ്പനിയായിത്തന്നെ തുടരുമെന്നും വിസ്താരയെ ഇതിൽ ലയിപ്പിക്കണോ വേണ്ടയോ എന്നതു സംബന്ധിച്ച് തീരുമാനമൊന്നും എടുത്തിട്ടില്ലെന്നും ടാറ്റ സൺസ് ചെയർപേഴ്സൺ എൻ ചന്ദ്രശേഖരൻ പറഞ്ഞു. ഇവ സംയോജിപ്പിച്ച് ഒറ്റ എയർലൈൻ ആക്കണോ എന്നതിനെപ്പറ്റിയും തീരുമാനമായിട്ടില്ലെന്നും അദ്ദേഹം കൂട്ടിച്ചേർത്തു. വ്യോമയാന മന്ത്രാലയത്തിന്റെ കൃത്യമായ അനുമതി ലഭിച്ചാലുടൻ എയർ ഇന്ത്യയുടെ 83.67 ശതമാനം ഓഹരികൾ ഏറ്റെടുക്കാൻ കഴിയുമെന്ന് വൃത്തങ്ങൾ അറിയിച്ചു. അനുമതിക്ക് ശേഷം ടാറ്റ ഗ്രൂപ്പ് മലേഷ്യൻ പങ്കാളിയായ എയർഏഷ്യ ബെർഹാദിൽ നിന്ന് ശേഷിക്കുന്ന 16.33 ശതമാനം ഓഹരികളും വാങ്ങുമെന്നാണ് അനൗദ്യോഗിക വിവരം.

ടാറ്റാ ഗ്രൂപ്പ് ബിസിനസ്സ് ഏകീകരണത്തിന്റെ കാര്യങ്ങളിൽ തീരുമാനമെടുക്കുന്ന ഘട്ടത്തിലാണ്. മാസങ്ങൾക്കുള്ളിൽ ഇത് സംബന്ധിച്ച അന്തിമ തീരുമാനമെടുക്കും. ബ്രാൻഡിംഗിന്റെ കാര്യത്തിലും യർഏഷ്യ ഇന്ത്യയും എയർ ഇന്ത്യയും തമ്മിലുള്ള കോഡ് ഷെയർ കരാറിനെക്കുറിച്ചും ഗ്രൂപ്പ് ചർച്ചയാരംഭിച്ചിട്ടുണ്ടെന്നും ചന്ദ്രശേഖരൻ കൂട്ടിച്ചേർത്തു.

ALSO READ : വനിതാ സംരഭകരേ ഇതിലേ... ബിസിനസ് തന്ത്രങ്ങളും ഫണ്ടിംഗിനുള്ള വഴിയും ഗൂഗിള്‍ പറഞ്ഞ് തരും