ലോക്ക്ഡൗൺ കാലത്തെ വിമാന ടിക്കറ്റ് ബുക്കിങ് തുക തിരികെ ലഭിയ്ക്കും

ന്യൂഡൽഹി: ലോക്ക് ഡൗൺ കാലത്ത് വിമാന ടിക്കറ്റ് ബുക്ക് ചെയ്തവര്‍ക്ക് മുഴുവൻ തുകയും തിരിച്ചു നൽകുമെന്ന് സുപ്രീം കോടതി ഡിജിസിഎ സുപ്രീം കോടതിയെ അറിയിച്ചു. ഉടൻ തന്നെ മുഴുവൻ തുകയും തിരിച്ചു നൽകണമെന്നാണ് എയര്‍ലൈൻ കമ്പനികൾക്ക് നൽകിയിരിക്കുന്ന നിര്‍ദേശം.

സുപ്രീംകോടതിയിൽ നൽകിയ സത്യവാങ്മൂലത്തിലാണ് 15 ദിവസത്തിനുള്ളിൽ തുക റീഫണ്ടു ചെയ്യാൻ കമ്പനികൾ നടപടികൾ സ്വീകരിയ്ക്കും എന്ന് നിര്‍ദേശം നൽകിയിരിക്കുന്നത്. കൊവി‍ഡ് മൂലം സാമ്പത്തിക പ്രതിസന്ധിയിലായിരുന്ന എയര്‍ലൈനുകൾ റീഫണ്ട് തുക തിരിച്ചു നൽകാൻ തുടക്കത്തിൽ വിസമതിച്ചിരുന്നു. ഇത് യാത്രക്കാരുടെ വ്യാപക പ്രതിഷേധത്തിന് വഴി വെച്ചിരുന്നു.

Also Read: രാജ്യാന്തര ഫ്ലൈറ്റുകൾക്ക് സെപ്റ്റംബര്‍ 30 വരെ നിരോധനം

ജൂൺ 12ന് വിഷയത്തിൽ നിലപാട് അറിയിക്കാൻ സുപ്രീം കോടതി കേന്ദ്ര സര്‍ക്കാരിന് നിര്‍ദേശം നൽകിയിരുന്നു. മാര്‍ച്ച് 25 മുതൽ ഏപ്രിൽ 14 വരെയുള്ള ലോക്ക്ഡൗണിൻെറ ആദ്യ ഘട്ടത്തിൽ വിമാന ടിക്കറ്റ് ബുക്ക് ചെയ്ത് ലോക്ക്ഡൗൺ കാലയളവിൽ യാത്ര ചെയ്യാനാകാത്തവര്‍ക്കാണ് വര്‍ക്കാണ് റീഫണ്ട് തുക ലഭിയ്ക്കുക.

ലോക്ക്ഡൗണിൻെറ ഒന്നും രണ്ടും ഘട്ടങ്ങളിൽ വിമാനയാത്രയ്ക്കായി ടിക്കറ്റ് ബുക്ക് ചെയ്തവര്‍ക്ക് പൂര്‍ണമായ റീഫണ്ട് നൽകണമെന്ന് സിവിൽ ഏവിയേഷൻ മന്ത്രാലയവും ഉത്തരവ് പുറപ്പെടുവിച്ചിരുന്നു. ഇൻറർനാഷണൽ എയർപോർട്ട് അസോസിയേഷൻ 3,000 കോടി ഡോളർ നഷ്ടമാണ് ഈ വർഷം മാത്രം ആഗോള ഏവിയേഷൻ മേഖലയിൽ കണക്കാക്കുന്നത്. സാമ്പത്തിക പ്രതിസന്ധിയായിരുന്നു റീഫണ്ട് നൽകാനുള്ള പ്രധാന തടസ്സമായി എയര്‍ലൈനുകൾ ചൂണ്ടിക്കാട്ടിയിരുന്നത്.