സിനിമയിലും ബിസിനസിലും ഹിറ്റുകൾ തീർത്ത് ആലിയ ഭട്ട്; 299 കോടിയുടെ ആസ്തി,150 കോടിയുടെ സ്റ്റാർട്ട് അപ്പ്

ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ മുൻനിരയിലാണ് ആലിയ ഭട്ട്. അടുത്തിടെ 100 കോടി രൂപയിലധികം വരുമാനം നേടുന്നവരുടെ കൂട്ടത്തിലും ആലിയ ഭട്ട് ഇടം നേടി. ആലിയ ഭട്ട് നായികയായി അഭിനയിച്ച ഏഴ് സിനിമകൾ നൂറു കോടി ക്ലബ്ബിൽ ഇടം നേടിയിട്ടുണ്ട്. ഇതു കൂടാതെ ഹോളിവുഡിലും നടി സാന്നിദ്ധ്യമറിയിക്കാൻ പോവുകയാണ്. നടിയുടെ ആദ്യത്തെ ഹോളി‍വുഡ് ചിത്രമായ ഹാർട്ട് ഓഫ് സ്റ്റോൺ, നെറ്റ്ഫ്ലിക്സിൽ റിലീസ് ചെയ്യും.

സിനിമയിൽ നിന്ന് മാത്രമല്ല ബിസിനസിൽ നിന്നും ആലിയ ഭട്ട് വരുമാനം നേടുന്നു. Ed-a-Mamma എന്ന കുട്ടികൾക്കു വേണ്ടി ഡിസൈനർ വസ്ത്രങ്ങൾ നൽകുന്ന ബ്രാൻഡാണ് സ്വന്തമായിട്ടുള്ളത്. ഈ ബ്രാൻഡിനു കീഴിൽ പുസ്തകങ്ങൾ ഉൾപ്പെടെ ഉൾപ്പെടുത്തി വികസിപ്പിക്കാനും പദ്ധതിയുണ്ട്. ബിസിനസ് ആരംഭിച്ച് ഒരു വർഷത്തിനുള്ളിൽ തന്നെ 150 കോടി രൂപയുടെ ആസ്തിമൂല്യം നേടാനും സാധിച്ചു.


നിക്ഷേപങ്ങൾ
എയ്ഞ്ചൽ ഇൻവെസ്റ്റ്മെന്റിലും താരത്തിന് താല്പര്യമുണ്ട്. Phool.Co എന്ന ഐഐടി കാൺപൂരിന്റെ പിന്തുണയുള്ള വെൽനസ് ബ്രാൻഡിൽ അവർ നിക്ഷേപം നടത്തിയിരിക്കുന്നു. ഈ ബ്രാൻഡിൽ എത്ര ഫണ്ടാണ് നിക്ഷേപിച്ചിരിക്കുന്നത് എന്ന വിവരം ലഭ്യമല്ല. എന്നാൽ പ്രകൃതിക്ക് ദോഷം വരുത്താത്ത തരം ബിസിനസുകളിൽ ആലിയ ഭട്ടിന് താല്പര്യമുണ്ടെന്നാണ് ഈ നിക്ഷേപം സൂചിപ്പിക്കുന്നത്.

Also Read : 'ആ പണം നിങ്ങളുടേതാണ്'; ​ഗൂ​ഗിൾ പേയുടെ അബദ്ധം, ഉപഭോക്താക്കൾക്ക് ലഭിച്ചത് 87,000 രൂപ വരെ
സ്ത്രീകൾ നടത്തുന്ന ബിസിനസുകളിൽ നിക്ഷേപം നടത്തുന്നതിലും ആലിയ ഭട്ടിന് താല്പര്യമുണ്ട്. 202 ജൂലൈയിൽ,
വനിതാ സംരംഭകർ ആരംഭിച്ച നൈക എന്ന ഫാഷൻ ബ്രാൻഡിൽ ആദ്യം തന്നെ നിക്ഷേപം നടത്തിയവരിൽ ഒരാൾ ആലിയ ഭട്ടാണ്. ഏതാനും മാസങ്ങൾക്കുള്ളിൽ നൈക പബ്ലിക് ലിസ്റ്റിങ് ചെയ്യുന്ന സമയത്ത് താരത്തിന്റെ വരുമാനം 10 മടങ്ങോളം വർധിച്ച് 54 കോടി രൂപയിലെത്തിയിരുന്നു. ഒരു വനിതയുടെ ഉടമസ്ഥതയിലുള്ള മറ്റൊരു ബ്രാൻഡായ സ്റ്റൈൽ ക്രാക്കറിലും ആലിയ ഭട്ട് നിക്ഷേപം നടത്തിയിട്ടുണ്ട്. മുംബൈ ആസ്ഥാനമായ പേഴ്സണൽ സ്റ്റൈലിങ് സ്ഥാപനമാണിത്.

താരം, സിനിമയിൽ അഭിനയിക്കുക മാത്രമല്ല, ഒരു ചിത്രം നിർമിക്കുകയും ചെയ്തിട്ടുണ്ട്. നെറ്റ്ഫ്ലിക്സിൽ ഹിറ്റായ ഡാർലിങ്സ് എന്ന ചിത്രമാണത്. Eternal Sunshine Productions എന്ന പേരിൽ ഒരു പ്രൊഡക്ഷൻ ഹൗസും ആലിയ ഭട്ടിനുണ്ട്.

Also Read : യാത്ര ചെയ്യുന്നവർക്ക് ബം​ഗ്ലാവുകളിൽ താമസിക്കാം; 45 കോടി രൂപ വിറ്റുവരവ് നേടുന്ന വേറിട്ട ബിസിനസ് വിജയം
ആസ്തിമൂല്യം
ഇത്തരത്തിൽ വിജയകരമായ പല സംരംഭങ്ങളിലൂടെ ആലിയ ഭട്ടിന്റെ ആസ്തി മൂല്യം കുതിച്ചുയരുകയുണ്ടായി. ഫോബ്സ് റിപ്പോർട്ട് പ്രകാരം 299 കോടി രൂപയാണ് താരത്തിന്റെ ആസ്തി. ഏറ്റവും കൂടുതൽ പ്രതിഫലം വാങ്ങുന്നതിൽ രണ്ടാം സ്ഥാനത്തുള്ള ബോളിവുഡ് നടിയാണ് ആലിയ ഭട്ട്. ഒരു സിനിമയിൽ അഭിനയിക്കുന്നതിന് 20 കോടി രൂപയാണ് പ്രതിഫലം. കൂടാതെ എൻഡോഴ്സമെന്റ് ഫീസ് 1 മുതൽ 2 കോടി രൂപ വരെയാണ്

മുംബൈയിൽ 13.11 കോടിയുടെ ലക്ഷ്വറി അപ്പാർട്മെന്റിലാണ് ആലിയ ഭട്ടിന്റെ താമസം. ഇതു കൂടാതെ മറ്റൊരു വീടും താരത്തിനുണ്ട്. ബിഎംഡബ്ല്യു 7 സീരിസ്, ഔഡി എ6, ഔഡി ക്യു7, റേഞ്ച് റോവർ ഉൾപ്പെടെ ഏകദേശം 3 കോടി രൂപ വിലമതിക്കുന്ന വാഹനങ്ങളും സ്വന്തമായിട്ടുണ്ട്.

Read Latest Business News and Malayalam News