ക്ഷേമ പെൻഷൻ ഇനി മുതൽ വീട്ടുപടിയ്ക്കൽ; എങ്ങനെ എന്നറിയാം

കൊച്ചി: സർക്കാരിൻറെ ക്ഷേമ പെൻഷൻ ലഭിയ്ക്കുന്നുണ്ടോ? ഇനി ഇതിനായി ബാങ്കുകളിൽ പോകേണ്ടതില്ല. 2019 ഏപ്രിൽ മുതൽ ഡിസംബർ വരെയുള്ള പെൻഷൻ തുകയായ 6,100 രൂപ പോസ്റ്റുമാൻ വീട്ടിൽ എത്തിയ്ക്കും.

എങ്ങനെയെന്നല്ലേ? ഇതിനായി പോസ്റ്റോഫീസിൽ വിളിച്ചു പറഞ്ഞാൽ മതി. ബാങ്ക്അക്കൌണ്ടുമായി ആധാറും ഫോൺ നമ്പറും ബന്ധിപ്പിച്ചവർക്കാണ് ഈ സൗകര്യം ലഭ്യമാകുക. രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ ഉൾപ്പെടെയുള്ള വിവിധ ബാങ്കുകളിൽ അക്കൌണ്ടുള്ള എല്ലാ പെൻഷൻ ഉടമകൾക്കും സൗകര്യം ലഭിയ്ക്കും.

Also Read: കുടുംബശ്രീയുടെ 20,000 രൂപ പലിശ രഹിത വായ്പ ലഭിയ്ക്കുന്നത് എങ്ങനെ?

പോസ്ററുമാൻ പണം വീട്ടിൽ എത്തിയ്ക്കുമ്പോൾ ആധാ‍ര്‍ നമ്പ‍ര്‍, ബാങ്ക് ശാഖ തുടങ്ങിയ വിവരങ്ങൾ നൽകിക്കഴിഞ്ഞാൽ ബയോമെട്രിക് മെഷിനിൽ വിരലടയാളം പതിപ്പിയ്ക്കണം.ഒരു ദിവസം 10,000 രൂപ വരെയാണ് തപാൽ വകുപ്പ് പരമാവധി എത്തിയ്ക്കുന്നത്.

ലോക്ക്ഡൌൺ കാലത്തും കൊവിഡ് ഭീതി നിലനിൽക്കുന്ന സാഹചര്യത്തിലും ആശ്വാസകരമാണ് തപാൽ വകുപ്പിൻറെ ഈ നടപടി. എന്നാൽ പണമിടപാടുകൾക്ക് ശേഷം കൈകൾ സാനിറ്റൈസർ ഉപയോഗിച്ച് വൃത്തിയാക്കാൻ മറക്കരുത്.