ചെയ്യേണ്ട കാര്യങ്ങള്
മൊബൈൽ നമ്പറിൽ മാറ്റം ഉണ്ടെങ്കിലോ വിലാസം മാറിയിട്ടുണ്ടെങ്കിലോ ഗ്യാസ് കണക്ഷൻ നൽകുന്ന ഏജൻസിയിൽ വിവരം അറിയിക്കണം. സിലിണ്ടര് ബുക്ക് ചെയ്യുന്ന സമയത്ത് തന്നെയാണ് ഒടിപിയും ലഭിയ്ക്കുക. ഉപഭോക്താവിൻെറ രജിസ്റ്റര്ചെയ്ത മൊബൈല് നമ്പറില് ലഭിക്കുന്ന ഈ കോഡ് ഗ്യാസ് വിതരണക്കാരെ കാണിക്കണം. ഈ ഒടിപി നൽകിയാലാണ് സിലിണ്ടര് ലഭിയ്ക്കുക. ഡിഎസി അതവാ ഡെലിവറി ഓതൻറിക്കേഷൻ കോഡ് എന്ന സംവിധാനമാണ് പുതിയതായി നടപ്പാക്കുന്നത്.
എന്തിനു വേണ്ടിയാണ് പുതിയ സംവിധാനം?
ഗ്യാസ് സിലിണ്ടറുകൾ അനധികൃതമായി കൈമാറ്റം ചെയ്യപ്പെടുന്നത് തടയുന്നതിനു കൂടെയാണ് പുതിയ നീക്കം. വിതരണക്കാരിൽ നിന്ന് ഗാര്ഹിക ആവശ്യത്തിനായി എടുക്കുന്ന സിലിണ്ടറുകളുടെ ഉടമകളെ കണ്ടെത്താനും അനധികൃത ഉപയോഗം തടയാനും ഒരു പരിധി വരെ പുതിയ സംവിധാനം സഹായകരമായേക്കും. യഥാര്ത്ഥ ഉപഭോക്താവിന് തന്നെയാണ് സിലിണ്ടര് ലഭിയ്ക്കുന്നത് എന്ന് കോഡിലൂടെ ഉറപ്പാക്കാൻ കഴിയും .
എന്നു മുതല് പദ്ധതി നടപ്പാക്കും?
100 നഗരങ്ങളിലാണ് രാജ്യമൊട്ടാകെ പദ്ധതി നടപ്പാക്കുന്നത്. ജയ്പ്പൂരിൽ പദ്ധതി തുടങ്ങിക്കഴിഞ്ഞു. കേരളത്തിൽ കൊച്ചി, തിരുവനന്തപുരം ഉൾപ്പെടെയുള്ള നഗരങ്ങളിൽ ആദ്യഘട്ടത്തിൽ പദ്ധതി നടപ്പാക്കും. നവംബര് 1 മുതൽ എൽപിജി സിലിണ്ടറുകൾ വിതരണം ചെയ്യുന്ന എല്ലാ കമ്പനികളും ഒടിപി സംവിധാനം നടപ്പാക്കാൻ തയ്യാറെടുക്കുകയാണ്.
വീട്ടാവശ്യത്തിനുള്ള പാചക വാതകത്തിൻെറ ആവശ്യകതയില് 3.3 ശതമാനമാണ് വാര്ഷിക വളര്ച്ച. 2030ല് ഉപഭോഗം 34 ദശലക്ഷം ടണ്ണിൽ എത്തുമെന്ന് റിപ്പോര്ട്ടുകൾ സൂപിപ്പിയ്ക്കുന്നു. ദ്രവീകൃത പാചക വാതകത്തിൻെറ ഉപഭോഗം നിജപ്പെടുത്താനും പുതിയ സംവിധാനം സഹായകരമാകും.