സ്ഥിര നിക്ഷേപങ്ങളിൽ നിന്ന് നികുതി ഇളവ് നേടം അൽപ്പം ശ്രദ്ധിച്ചാൽ

കൊച്ചി: നിക്ഷേപങ്ങളിൽ നിന്ന് നികുതി ഇളവ് നേടാൻ ആഗ്രഹിയ്ക്കാത്തവര്‍ ആരാണുള്ളത്? സമ്പാദ്യം എന്ന നിലയിൽ സ്ഥിരനിക്ഷേപങ്ങളെ ആശ്രയിക്കുന്നവര്‍ക്ക് നികുതി ലാഭിയ്ക്കാനും വഴികൾ ഉണ്ട്. ടാക്സ് സേവിങ് സ്ഥിര നിക്ഷേപങ്ങൾ തന്നെയാണ് മികച്ച മാര്‍ഗം.

ടാക്സ് സേവിങ്സ് സ്ഥിര നിക്ഷേപങ്ങൾക്ക് ഒട്ടേറെ ആകര്‍ഷണങ്ങളുമുണ്ട്. ടേം ഡിപ്പോസിറ്റുകളുമായി താരതമ്യം ചെയ്യുമ്പോൾ ഉയര്‍ന്ന പലിശ നിരക്ക് ലഭിയ്ക്കും എന്നതാണ് അവയിൽ പ്രധാനം. മുതിര്‍ന്ന പൗരൻമാരുടെ നിക്ഷേപങ്ങൾക്ക് ഈ പദ്ധതിയ്ക്ക് കീഴിൽ അധിക പലിശ നിരക്ക് ലഭ്യമാണ്. എന്നാൽനിക്ഷേപ കാലാവധി അഞ്ചു വര്‍ഷം ആയതിനാൽ ഇതിനു മുമ്പ് നിക്ഷേപം പിൻവലിയ്ക്കാൻ ആകില്ല.

Also Read: 80 രൂപ ദിവസേന അടച്ചാൽ മതി; പ്രതിമാസം 28,000 രൂപ പെൻഷൻ ലഭിയ്ക്കാൻ

എസ്ബിഐ ടാക്സ് സേവിങ്സ് എഫ്ഡിയിൽ നിക്ഷേപിച്ചാലോ?

രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐയും നിക്ഷേപകര്‍ക്ക് ടാക്സ് സേവിങ്സ് എഫ്ഡി വാഗ്ദാനം ചെയ്യുന്നുണ്ട്. 5.40 ശതമാനം പലിശ നിരക്കാണ് ടാക്സ് സേവിങ്സ് ഫണ്ടുകൾക്ക് എസ്ബിഐ ഈടാക്കുന്നത്. മുതിര്‍ന്ന പൗരൻമാര്‍ക്ക് അധിക പലിശ നിരക്ക് ലഭിയ്ക്കും.1.5 ക്ഷം രൂപ വരെയുള്ള നിക്ഷേപങ്ങൾക്ക് ആണ് പലിശ നിരക്ക് ലഭിയ്ക്കുക.

മുതിര്‍ന്ന പൗരൻമാര്‍ക്ക് 5.80 ശതമാനം വരെ നിക്ഷേപത്തിന് കീഴിൽ പലിശ നിരക്ക് ലഭ്യമാണ്. പരമാവധി ഒന്നര ലക്ഷം രൂപ വരെ മാത്രമാണ് ഈ പദ്ധതിയ്ക്ക് കീഴിൽ നിക്ഷേപം നടത്താൻ ആകുക.
പരമാവധി 10 വര്‍ഷം വരെ നിക്ഷേപം നടത്താം. മറ്റു പദ്ധതികൾ പോലെ തന്നെ അഞ്ചു വര്‍ഷമാണ് ഏറ്റവും കുറഞ്ഞ നിക്ഷേപ കാലാവധി.