ഒരു മാസം കൊണ്ട് മൂന്നിരട്ടി ലാഭം നൽകി ഒരു കുഞ്ഞൻ ഓഹരി

കൊച്ചി: ഓഹരി വിപണിയിലെ നിക്ഷേപത്തിലൂടെ ലാഭം കൊയ്യാൻ വൻകിട കമ്പനികളുടെ ഓഹരികൾ തന്നെ വേണം എന്നൊന്നുമില്ല. മികച്ച വളർച്ചാ സാധ്യതയുള്ള ചെറിയ സ്ഥാപനങ്ങളുടെ ഓഹരികൾ ഭാവിയിൽ മികച്ച നേട്ടം നൽകിയേക്കാം . അത്തരം ഒരു ഓഹരിയാണ് അലോക് ഇൻഡസ്ട്രീസിൻേറത്.

മുംബൈ കേന്ദ്രീകരിച്ച് ടെക്സ്റ്റൈൽ നിർമാണ രംഗത്ത് പ്രവർത്തിയ്ക്കുന്ന കമ്പനിയാണ് അലോക്. 90 ലേറെ രാജ്യങ്ങളിലേക്ക് അലോക്കിൻെറ ഉത്പന്നങ്ങൾ കയറ്റുമതി ചെയ്യുന്നുണ്ട്. ബിഎസ്ഇ ലിസ്റ്റഡ് കമ്പനിയിലെ ഓഹരി വില 37.95 രൂപയാണ്. ഒരു വർഷം കൊണ്ട് മികച്ച വളർച്ചയാണ് ഈ ഓഹരി കൈവരിച്ചിരിയ്ക്കുന്നതെന്ന് മണി കൺട്രോൾ പ്രൈസ് ചാർട്ടിൽ നിന്ന് വ്യക്തമാകും.

Also Read: സമ്പൂർണ കട രഹിത കമ്പനിയാകാൻ ഒരുങ്ങി റിലയൻസ്

2000-ൽ 92.86 രൂപയായിരുന്നു ഓഹരി വില എങ്കിലും പിന്നീട് ഇതു കുത്തനെ ഇടിഞ്ഞിരുന്നു. എന്നാൽ റിലയൻസ് ഇൻഡസ്ട്രീസ് കമ്പനിയുടെ 37.7 ശതമാനം ഓഹരികൾ ഏറ്റെടുത്തതോടെ ഓഹരി വില കുതിച്ചുയരുന്നതാണ് ഇപ്പോഴത്തെ കാഴ്ച. 250 കോടിയായിരുന്നു കമ്പനിയിലെ റിലയൻസിൻെറ നിക്ഷേപം.
അതുകൊണ്ടു തന്നെ ഇനിയും കമ്പനിയുടെ ഓഹരി വില ഉയർന്നേക്കും എന്നാണ് സൂചനകൾ.

ചെറിയ ഓഹരികളിൽ നിന്ന് നേട്ടം ഉണ്ടാക്കാൻ ആഗ്രഹിയ്ക്കുന്നവർക്ക് ഈ ഓഹരി ഇപ്പോൾ വാങ്ങാം എന്ന് വിദഗ്ധർ ചൂണ്ടിക്കാട്ടുന്നുണ്ട്. 50 ദിവസം കൊണ്ട് 780 ശതമാനം റിട്ടേൺ കമ്പനി വാഗ്ദാനം ചെയ്യുന്നുണ്ട്. കൂടുതൽ ഓഹരികൾ കൈവശം ഉള്ളവർക്ക് ഇതിൽ നിന്ന് കൂടുതൽ നേട്ടം ഉണ്ടാക്കാൻ ആകും.