ആമസോൺ ഇന്ത്യയിൽ 4,400 കോടി രൂപ നിക്ഷേപിക്കുന്നു

ന്യൂഡൽഹി: രാജ്യത്ത് ആമസോൺ 4,400 കോടി രൂപ നിക്ഷേപിക്കുന്നു. മാർക്കറ്റ്പ്ലേസ് രംഗത്തും പെയ്മെൻറ്, ഭക്ഷ്യ റീട്ടെയ്ൽ രംഗത്തും ആണ് കൂടുതൽ പണം ചിലവഴിക്കുക. എതിരാളികളായ ഫ്ലിപ്കാർട്ടിനെ നേരിടാനാണ് പുതിയ നിക്ഷേപ പദ്ധതിയുമായി ആമസോൺ എത്തുന്നത്.

2018-19 ൽ ലോകമെമ്പാടും ഉള്ള വിവിധ സ്ഥാപനങ്ങളിൽ നിന്ന് ആമസോണിന് 7,000 കോടി രൂപയുടെ നഷ്ടം നേരിട്ടിരുന്നു. വേഗത്തിൽ വളർന്നു കൊണ്ടിരിക്കുന്ന ഇന്ത്യൻ ഇ- കൊമേഴ്സ് വിപണിയിൽ നിന്ന് കൂടുതൽ നേട്ടം ഉണ്ടാക്കാനാകും എന്ന ആമസോണിൻറെ വിശ്വാസത്തിൻറെ പിൻബലത്തിലാണ് കൂടുതൽ നിക്ഷേപത്തിന് കമ്പനി മുതിരുന്നത്.

Also Read: ആമസോണിന്‍റെ സഹായം കിട്ടി; മുന്‍ ട്രക്ക് ഡ്രൈവര്‍ ഇന്നു കോടീശ്വരന്‍

ആമസോൺ മാർക്കറ്റ് പ്ലേസ് യൂണിറ്റിൽ 3,400 കോടി രൂപയും പെയ്മെൻറ് കമ്പനിയായ ആമസോൺ പേയിൽ 900 കോടി രൂപയും ഭക്ഷ്യ റീട്ടെയ്ൽ രംഗത്തുള്ള ആമസോൺ റീട്ടെയ്ൽ ഇന്ത്യയിൽ 172.5 കോടി രൂപയുമാണ് ആമസോൺ നിക്ഷേപിക്കാൻ ഒരുങ്ങുന്നത്. 2016-ൽ ആമസോൺ സിഇഒ ജെഫ് ബെസോസ് ഇന്ത്യൻ വിപണിയിൽ കമ്പനി 500 കോടി ഡോളർ നിക്ഷേപിക്കും എന്ന് വ്യക്തമാക്കിയിരുന്നു.

Also Read: ഇ- കൊമേഴ്സ് വിപണിയിൽ വൻ മാറ്റങ്ങൾ വരുന്നു