പിണറായി വിജയൻ
അമൂലിന്റെ ചീസും തോണ്ടിയെടുത്ത് കസേരയിൽ ഇരിക്കുന്ന പിണറായി വിജയനെയാണ് കാർട്ടൂണിൽ വരച്ചിരിക്കുന്നത്. മനോഹരമായ ഈ കാർട്ടൂൺ ഇരുകയ്യും നീട്ടിയാണ് സോഷ്യൽ മീഡിയ ഏറ്റെടുത്തത്. സമകാലിക സംഭവ വികാസങ്ങളെ കോർത്തിണക്കിയുള്ള കാർട്ടൂൺ പരസ്യങ്ങൾ മുമ്പും അമൂൽ പുറത്തിറക്കിയിട്ടുണ്ട്. നിയമസഭാ തിരഞ്ഞെടുപ്പിൽ വിജയിച്ച തമിഴ്നാട്ടിലെ സ്റ്റാലിനെയും ബംഗാളിലെ മമത ബാനർജിയെയും അഭിനന്ദിച്ചും കഴിഞ്ഞദിവസങ്ങളിലായി അമൂൽ കാർട്ടൂണുകൾ പുറത്തിറക്കിയിരുന്നു.
മമത ബാനർജി
ബംഗാൾ തിരഞ്ഞെടുപ്പിൽ ജയിച്ച മമത ബാനർജിക്കും അമൂൽ ആശംസകൾ അറിയിച്ചിരുന്നു. ‘എന്ജോയ് ത്രിണ’അമൂൽ’, ഷി ഡിഡ് ഇറ്റ് എന്നീ തലക്കെട്ടുകളോടെയായിരുന്നു അമൂലിന്റെ അഭിനന്ദനം. അതേസമയം ബംഗാൾ മുഖ്യമന്ത്രിയായി മമത ബാനർജി ഇന്ന് സത്യപ്രതിജ്ഞ ചെയ്ത് അധികാരമേറ്റു.
എംകെ സ്റ്റാലിൻ
തമിഴ്‌നാട്ടില്‍ കനത്ത ഭൂരിപക്ഷത്തോടെ അധികാരത്തില്‍ തിരിച്ചെത്തിയ ഡിഎംകെയെ അഭിനന്ദിച്ചും അമൂല്‍ കാര്‍ട്ടൂണ്‍ പുറത്തിറക്കിയിട്ടുണ്ട്. എംകെ സ്റ്റാലിന്റെ കാർട്ടൂൺ ഉൾപ്പെടുത്തിയുളളതാണ് പരസ്യം. ജനങ്ങള്‍ക്കിടയിലൂടെ കൈ വീശി നടന്നുവരുന്നതാണ് സ്റ്റാലിന്റെ ചിത്രം. ‘എംകെ സ്റ്റാല്‍ വിന്‍’ എന്ന തലക്കെട്ടോടെയാണ് കാർട്ടൂൺ അവതരിപ്പിച്ചത്.