ഡിമാന്‍ഡ് കൂടി നില്‍ക്കുമ്പോള്‍ യാത്രക്കാരില്‍ നിന്ന് അടിസ്ഥാന നിരക്കിന്‍റെ മൂന്ന് മടങ്ങ് വരെ നിരക്ക് അധികം ഈടാക്കാന്‍ ടാക്സി കമ്പനികള്‍ക്ക് സര്‍ക്കാര്‍ അനുവാദം നല്‍കിയേക്കും എന്ന് സൂചന.
ഊബര്‍,ഒല തുടങ്ങിയ ആപ്പ് അധിഷ്ഠിത സേവനങ്ങള്‍ ലഭ്യമാക്കുന്ന കമ്പനികള്‍ യാത്രാനിരക്ക് കൂട്ടണമെന്ന് സര്‍ക്കാരിനോട് ആവശ്യപ്പെട്ടിരുന്നു.
ഉപഭോക്താക്കളുടെ ആവശ്യത്തിന് അനുസരിച്ച് കൂടുതല്‍ വാഹനങ്ങള്‍ ലഭ്യമാക്കാന്‍ നിരക്ക് വര്‍ധന കൂടിയേ തീരൂ എന്നായിരുന്നു കമ്പനികളുടെ വാദം. പുതുക്കിയ നിരക്കുകളും കൂട്ടാനാവുന്ന പരമാവധി നിരക്കുകളും ഉള്‍പ്പെടുപത്തിക്കൊണ്ടുള്ള പുതിയ ചട്ടങ്ങള്‍ സര്‍ക്കാര്‍ ഉടന്‍ രൂപീകരിച്ചേക്കും.
ഒപ്പം ഓണ്‍ലൈന്‍ ടാക്സികളില്‍ യാത്ര ചെയ്യുന്നവരുടെ സുരക്ഷാ മാനദണ്ഡങ്ങള്‍ ശക്തമാക്കും എന്നാണ് സൂചന. പ്രത്യേകിച്ച് സ്ത്രീകളുടെ സുരക്ഷ. പുതിയ ഗതാഗത നിയമത്തിന്‍റെ ചുവട് പിടിച്ചാണ് ടാക്സികള്‍ക്കായുള്ള ചട്ടങ്ങളും പരിഷ്കരിക്കുന്നത്.