നിങ്ങൾക്ക് വേണ്ടേ ക്രെഡിറ്റ് കാര്‍ഡ്? അതിനായി ചെയ്യേണ്ടത്!

പണമിടപാടുകൾ നടത്തുവാൻ വേണ്ടി ഇന്ത്യയിലെ ഒട്ടുമിക്ക ബാങ്കുകളും ക്രെഡിറ്റ് കാർഡുകൾ പുറത്തിറക്കുന്നുണ്ട്. പണം കൈവശം സൂക്ഷിക്കണ്ട എന്നതാണ് ഉപഭോക്താക്കൾക്കു ലഭിക്കുന്ന പ്രധാന സൗകര്യം. പണം എ.റ്റി.എമ്മിൽ നിന്നും പിൻ‌വലിക്കുവാനും സാധിക്കും.

കാര്‍ഡ് ലഭിക്കാനായി നിങ്ങളുറപ്പിച്ച ബാങ്കിൻ്റെ നിശ്ചിത ഫോറത്തില്‍ എല്ലാ വിവരങ്ങളും ഉള്‍ക്കൊള്ളിച്ചുകൊണ്ട് അപേക്ഷ നല്‍കണം. അപേക്ഷാ ഫോറത്തിനൊപ്പം തിരിച്ചറിയല്‍ രേഖയും സമര്‍പ്പിക്കണം. ഓൺലൈനിലും സേവനം ലഭ്യമാണ്. അതിനായി നിങ്ങളുടെ ഇൻ്റർനെറ്റ് ബാങ്കിങ് സെറ്റിൽ ലോഗിൻ ചെയ്യുക.

പാന്‍ കാര്‍ഡ്, ഡ്രൈവിങ്ങ് ലൈസന്‍സ്, വോട്ടര്‍ ഐഡൻ്റിറ്റി കാര്‍ഡ്, പാസ്പോര്‍ട്ട് തുടങ്ങിയ ഏതെങ്കിലും തിരിച്ചറിയൽ രേഖയായി ഉപയോഗിക്കാം. ഇവയിൽ ഏതെങ്കിലും ഒന്നിൻ്റെ പകര്‍പ്പും വരുമാനം തെളിയിക്കുന്ന രേഖയും (ആദായനികുതി റിട്ടേണിൻ്റെ പകര്‍പ്പ്) നല്‍കണം. ബാങ്ക് ഈ അപേക്ഷ പരിശോധിച്ച ശേഷം യോഗ്യനാണെങ്കില്‍ കാര്‍ഡ് നല്‍കും.