15,000 കോടി രൂപയുടെ പ്രീമിയം സെഗ്മെൻറ് സ്മാ‍ര്‍ട്ട് ഫോൺ വിപണിയിൽ 8,000 കോടി രൂപയുടെ ഫോണുകളും ഗ്രേ മാ‍ര്‍ക്കറ്റിലൂടെയാണ് എത്തുന്നത് എന്ന് കേന്ദ്ര പരോക്ഷ നികുതി കസംറ്റംസ് ബോ‍ര്‍ഡിനെ ഇന്ത്യൻ സെല്ലുലാ‍ര്‍ ആൻഡ് ഇലക്ട്രോണിക് അസോസിയേഷൻ ആണ് അറിയിച്ചത്. ടെലിവിഷൻ പോലുള്ള ഉത്പന്നങ്ങളേക്കാൾ നികുതി വെട്ടിച്ച് കടത്താൻ എളുപ്പം സ്മാർട്ട് ഫോണുകളാണ് എന്നതു തന്നെയാണ് സ്മാർട്ട് ഫോൺ കള്ളക്കടത്ത് പെരുകാൻ കാരണം.
Also Read: കിട്ടാക്കടം മറച്ചു വെച്ച് എസ്ബിഐ; ലാഭം അല്ല നഷ്ടമാണ് ബാങ്കിന് ഉണ്ടായിരുന്നതെന്ന് കണ്ടെത്തൽ
20 ശതമാനം കസ്റ്റംസ് ഡ്യൂട്ടിയും 12 ശതമാനം ജിഎസ്ടിയും വെട്ടിച്ച് ഫോണുകൾ കടത്തുന്നതിനാലാണ് സര്‍ക്കാരിന് വലിയ തുക നഷ്ടമാകുന്നത്. ആഭ്യന്തര ഉത്പാദനം പ്രോത്സാഹിപ്പിക്കാനാണ് സര്‍ക്കാര്‍ ഫോണുകൾക്ക് ഉയർന്ന ഇറക്കുമതി തീരുവ ഏ‍ര്‍പ്പെടുത്തിയിരിക്കുന്നത്. ദുബായി, ഹോങ്കോങ്,യുഎസ് എന്നിവിടങ്ങളിൽ നിന്നാണ് ഇന്ത്യൻ വിപണിയിലേക്ക് നികുതി വെട്ടിപ്പിലൂടെ പ്രീമിയം സ്മാർട്ട് ഫോണുകൾ എത്തുന്നത്.