നേപ്പാൾ, ബംഗ്ലേദേശ്, ശ്രീലങ്ക; അയൽ രാജ്യങ്ങളുടെയും വാക്സിൻ ഹബ് ആകാൻ ഒരുങ്ങി ഇന്ത്യ

ന്യൂഡൽഹി: രാജ്യത്തെ മുഴുവൻ ജനങ്ങൾക്ക് മാത്രമല്ല അയൽ രാജ്യങ്ങളിലെ ജനങ്ങൾക്കുമുണ്ട് ഇന്ത്യയുടെ വാക്സിൻ പരീക്ഷണങ്ങളിൽ പ്രതീക്ഷ. നേപ്പാൾ, ബംഗ്ലാദേശ്, ശ്രീലങ്ക തുടങ്ങിയ അയൽ രാജ്യങ്ങൾക്കും ഇന്ത്യ വാക്സിൻ എത്തിച്ചു നൽകാൻ തയ്യാറാണ്. കൊവിഡ് വ്യാപനത്തിൻെറ തുടക്കം മുതൽ ദേശീയ ബയോഫാര്‍മ മിഷന് കീഴിവുള്ള വിവിധ ഓഹരി ഉമടമകളുമായും മറ്റും സഹകരിച്ച് വാക്സിൻ പരീക്ഷണങ്ങൾ വേഗത്തിലാക്കാനുള്ള നടപടികൾ രാജ്യം സ്വീകരിച്ചിട്ടുണ്ട്.

ലോകോത്തര നിലവാരത്തിൽ ഉള്ള ഇന്ത്യയുടെ വാക്സിൻ പരീക്ഷണങ്ങൾ മറ്റു രാജ്യങ്ങൾക്കും മാതൃകയാണ്. കൊവിഡ് പ്രശ്നത്തിന് പരിഹാരം കാണാൻ മറ്റ് വികസ്വര രാജ്യങ്ങൾക്ക് പ്രതീക്ഷ നൽകുന്നുണ്ട് ഇന്ത്യ. ശ്രീലങ്കയുടെയും നേപ്പാളിൻെറയും ഒക്കെ വാക്സിൻ ഹബായി രാജ്യം മാറിയേക്കുമെന്ന സൂചനകൾ നൽകുന്നത് സര്‍ക്കാരിൻെറ ബയോടെക്നോളജി വകുപ്പാണ്.

Also Read: 1,000 രൂപയ്ക്ക് രണ്ടു ഡോസ് ഒക്സ്‍ഫോര്‍ഡ് കൊവിഡ് വാക്സിൻ; ഏപ്രിലോടെ പൊതുജനങ്ങൾക്ക്

വാക്സിൻ വികസിപ്പിയ്ക്കാൻ അക്കാദിമിക ഗവേഷണങ്ങളും ക്ലിനിയ്ക്കൽ പരീക്ഷണങ്ങളും രാജ്യം പ്രോത്സാഹിപ്പിയ്ക്കുന്നുണ്ട്. 60-65-ഓളം ക്ലിനിക്കൽ പരീക്ഷണ കേന്ദ്രങ്ങളാണ് ഇപ്പോൾ രാജ്യത്ത് ഉടനീളമുള്ളത്. മൃഗങ്ങളിലും വാക്സിൻ പരീക്ഷണങ്ങൾ നടത്തുന്നതിനുള്ള കേന്ദ്രങ്ങളും തുടങ്ങിയിട്ടുണ്ട്.

ആദ്യം പുറത്തിറങ്ങുന്ന വാക്സിനുകളിൽ ഇന്ത്യയിൽ നിന്ന് മൂന്ന് എണ്ണം എങ്കിലും ഉണ്ടാകുമെന്ന് ബയോടെക്നോളജി വകുപ്പ് ചൂണ്ടിക്കാട്ടുന്നുണ്ട്. വാക്സിൻ പുറത്തിറക്കാൻ സാധാരണ ഗതിയിൽ 10-14 വര്‍ഷങ്ങൾ വേണ്ടി വരാറുണ്ട് എങ്കിലും 10 മുതൽ 14 മാസങ്ങൾക്കുള്ളിൽ വാക്സിൻ പുറത്തിറങ്ങും എന്നാണ് കരുതുന്നത്.

വിവിധ രാജ്യങ്ങളും രാജ്യാന്തര സംഘടനകളും ആയി സഹകരിച്ച് ഇന്ത്യയുടെ വാക്സിൻ പരീക്ഷണങ്ങൾ വേഗത്തിലാക്കാനുള്ള എല്ലാ സഹായങ്ങളും സര്‍ക്കാരും നൽകുന്നുണ്ട്. ഗവേഷണ വികസന കേന്ദ്രങ്ങളുടെ അടിസ്ഥാന സൗകര്യ വികസനങ്ങൾ , ശേഷി തുടങ്ങി നിരവധി വെല്ലുവിളികൾ രാജ്യം നേരിടുന്നതിനിടയിൽ ആണിത്.