ന്യൂഡൽഹി: ഔഡി ഇന്ത്യ ഡീസൽ മോഡലുകളുടെ വിൽപ്പന നി‍ര്‍ത്തുന്നു. ഏപ്രിൽ മുതലാണ് ഡീസൽ വാഹനങ്ങളുടെ വിൽപ്പന നി‍ര്‍ത്താൻ ആഡംബര കാ‍ര്‍ നി‍ര്‍മാതാക്കളുടെ തീരുമാനം. ബിഎസ്6 വാഹനങ്ങളിലേക്കുള്ള ചുവടുമാറ്റത്തിൻറെ ഭാഗമായാണ് ഡീസൽ വാഹനങ്ങൾ വിറ്റഴിയ് ക്കേണ്ടതില്ലെന്ന കമ്പനിയുടെ തീരുമാനം. നിലവിലുള്ള മോഡലുകളുടെയും പുതിയ മോഡലുകളുടെയും പെട്രോൾ, ഇലക്ട്രിക് പതിപ്പുകളുടെ വിൽപ്പനയിൽ ആയിരിക്കും ഔഡി ഇനി ശ്രദ്ധ കേന്ദ്രീകരിക്കുക.
ഔഡി ക്യു3, ക്യു5, എ3, എ4, എ8 സെഡാനുകളുടെ ഡീസൽ മോഡലുകൾ ഇനി ഉണ്ടാവില്ല. കമ്പനി ഡീസൽ മോഡലുകളുടെ വിൽപ്പന നി‍ര്‍ത്തുന്നത് 2020-ലെ വിൽപ്പനയെ ബാധിച്ചേക്കാം. നിലവിൽ 65 ശതമാനം വിൽപ്പനയും ഡീസൽ മോഡലുകളിൽ നിന്നാണ്. ഈ വ‍ര്‍ഷം എട്ടു പുതിയ മോഡലുകളാണ് കമ്പനി പുറത്ത് ഇറക്കുന്നത്.