പ്രായം ഒരു വയസ് മാത്രം; മാസ വരുമാനം 75,000 രൂപ

സാമൂഹിക മാധ്യമങ്ങളിൽ സ്വധീനമുള്ളവരെ കമ്പനികൾ തങ്ങളുടെ ഉൽപ്പന്നങ്ങളുടെ പ്രൊമോഷനായി ഉപയോഗിക്കുന്നത് ഇന്ന് സർവ സാധാരണമാണ്. എന്നാൽ ഈ കൂട്ടത്തിൽ നിങ്ങൾ ഒരിക്കല്ലെങ്കിലും ഒരു കൈക്കുഞ്ഞിനെ കണ്ടിട്ടുണ്ടോ. കുട്ടകളെ കണ്ടിട്ടുണ്ടാകാം എന്നാൽ കൈക്കുഞ്ഞുങ്ങളെ സാധ്യതയില്ല. അടുത്തിടെ ഒരു വയസ് പൂർത്തീകരിച്ച സാമൂഹിക മാധ്യമങ്ങളിൽ വൻ സ്വധീനമുള്ള ഒരു കുട്ടി സെലിബ്രിറ്റിയുണ്ട് അങ്ങ് അമേരിക്കയിൽ. ഈ കുട്ടി സെലിബ്രിറ്റി ഇതിനിടെ 16 ഓളം യു.എസ്. സംസ്ഥാനങ്ങളിൽ സന്ദർശിച്ചാണ് സമൂഹിക മാധ്യമങ്ങളുടേയും കമ്പനികളുടെയും ശ്രദ്ധ പിടിച്ചു പറ്റിയത്.

കാൻസാസ്, യൂട്ട, അരിസോണ, ഫ്‌ലോറിഡ, അലാസ്‌ക, ന്യൂ മെക്‌സിക്കോ എന്നിവയുൾപ്പെടെ 16 ഓളം യു.എസ്. സംസ്ഥാനങ്ങളിലടെയാണ് ഈ കുട്ടി സെലിബ്രിറ്റി യാത്ര ചെയ്തത്. ഇതു വഴി മാസം 1000 ഡോളറാണ്(ഏകദേശം 75,000 രൂപ) സമ്പാദിച്ചത്. എന്തിനേറെ പറയുന്നു തനിക്കാവശ്യമായ ഡയപ്പറുകളും വൈപ്പുകളും അടക്കം സ്‌പോൺസർഷിപ്പിലൂടെ നേടിയെടുക്കാൻ ഈ കൊച്ചുമിടുക്കനു സാധിക്കുന്നുണ്ട്. ഇതോടകം 45 ഓളം വിമാനയാത്രകൾ ഈ കുട്ടി സെലിബ്രറ്റി നടത്തിക്കഴിഞ്ഞു. യാത്രാ ബ്ലോഗർമാരായ ജെസ്സിന്റെയും സ്റ്റീവിന്റെയും പൊന്നോമന പുത്രനാണ് ബ്രിഗ്‌സ് ഡാരിങ്ടൺ. കോവിഡിനിടെ കഴിഞ്ഞവർഷം ഒക്‌ടോബർ 14നായിരുന്നു ഈ കുട്ടി സെിബ്രിറ്റിയുടെ ജനനം. മൂന്നാഴ്ച പ്രായമുള്ളപ്പോൾ നെബ്രാസ്‌കയിലേക്കായിരുന്നു ബ്രിഗ്‌സ് ഡാരിങ്ടണിന്റെ ആദ്യ യാത്ര. ഒമ്പത് ആഴ്ച പ്രായമെത്തിയപ്പോൾ ആദ്യ വിമാനയാത്ര. ഇതോടകം ബ്രിഗ്‌സ് സാമൂഹിക മാധ്യമങ്ങളുടെ ശ്രദ്ധ പിടിച്ചുപറ്റിയിരുന്നു.

Also Read: മകളേ...നിനക്കുവേണ്ടി; സര്‍ക്കാര്‍ ജോലി ഉപേക്ഷിച്ച് വീടുകള്‍ തോറും സോപ്പുപൊടി വിറ്റു, ഇന്ന് ആസ്തി 30,000 കോടിക്കു മുകളില്‍

അലാസ്‌കയിലെ കരടികൾ, ന്യൂ മെക്‌സിക്കോയിലെ ആൽബുക്കർക്കിയിലെ ബലൂൺ ഫിയസ്റ്റ, യെല്ലോസ്റ്റോൺ നാഷണൽ പാർക്കിലെ ചെന്നായ്ക്കൾ, യൂട്ടയിലെ അതിലോലമായ കമാനം, കാലിഫോർണിയയിലെ ബീച്ചുകൾ തുടങ്ങി നിരവധി ആകർഷണങ്ങളാണു തന്റെ ചടുലമായ നീക്കങ്ങൾ വഴി ബ്രിഗ്‌സ് കാണികളിലെത്തിച്ചത്. ആളുകളെ യാത്രകളിലേക്ക് ആകർഷിക്കുന്ന ലോകത്തിലെ ഏറ്റവും പ്രായ കുറഞ്ഞ വ്യക്തി ബ്രിഗ്‌സ് ആയിരിക്കുമെന്നാണ് അമ്മയായ ജെസിന്റെ വിലയിരുത്തൽ. ബ്രിഗ്‌സിന്റെ യാത്രാ കഥകൾക്ക് ഒരു വലിയ ആരാധക കൂട്ടം തന്നെ ഇന്നുണ്ട്. ടിക് ടോക്കിൽ 2.5 ലക്ഷം ആരാധകരും ഇൻസ്റ്റാഗ്രാമിൽ 34,000 ഫോളോവേഴ്‌സും ബ്രിഗ്‌സിനുണ്ട്.

2020ൽ ഗർണിയിയായിരിക്കേയാണ് ജെസ് ഇത്തരമൊരു വ്യത്യസത ആശയത്തിലേക്കു എത്തിച്ചേർന്നത്. കുട്ടികൾ നടത്തുന്ന ഒരുപാട് ബ്ലോഗുകൾ ഓൺലൈനിൽ കണ്ടെങ്കിലും കൈക്കുഞ്ഞുങ്ങളുമായുള്ള ഒരെണ്ണം പോലും കണ്ടെത്താനായില്ലെന്ന് അവർ പറഞ്ഞു. ഇവർക്കു തെറ്റിയില്ല ആശയം വൻഹിറ്റ് ആകുകയായിരുന്നു. കുറഞ്ഞ സമയം കൊണ്ട് ബ്രിഗ്‌സ് സ്‌പോണസർമാരെയും കമ്പനികളെയും ആകർഷിച്ചു. കോവിഡ് പശ്ചത്തലത്തിൽ തിരക്കു കുറഞ്ഞ ഇടങ്ങൾ വഴിയായിരുന്നു ഈ കുടുംബത്തിന്റെ യാത്ര. എന്നാൽ ബ്രഗ്സിന്റെ കുട്ടിത്തവും നിഷ്കളങ്കതയും സംശയങ്ങളും കണ്ടവരും കേട്ടവരും ഒരിക്കലും മറക്കില്ല.