വീട്ടിലിരുന്ന് സ്വർണം വാങ്ങാം, വ്യാപാരം നടത്താം; ആഗോള ബുള്ളിയൻ വ്യവസായത്തിൽ പുതിയ തുടക്കവുമായി ബിഎസ്‍ഇ

ഇലക്‌ട്രോണിക് ഗോൾഡ് റെസിപ്റ്റ് (EGR) അവതരിപ്പിച്ച് ബിഎസ്ഇ. സ്വർണത്തിന്റെ കാര്യക്ഷമവും സുതാര്യവുമായ വില കണ്ടെത്തുന്നതിന് ഇജിആർ സഹായിക്കും. 995, 999 പ്യൂരിറ്റിയുള്ള രണ്ട് പുതിയ ഉൽപ്പന്നങ്ങൾ ദീപാവലിയിലെ മുഹൂർത്ത് ട്രേഡിംഗിലാണ് എക്‌സ്‌ചേഞ്ച് അവതരിപ്പിച്ചത്. 1 ഗ്രാമിന്റെ ഗുണിതങ്ങളിലായിരിക്കും ട്രേഡിങ്ങ്. ഡെലിവറികൾ 10 ഗ്രാമിന്റെയും 100 ഗ്രാമിന്റെയും ഗുണിതങ്ങളിലായിരിക്കും. സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യയുടെ (സെബി) പ്ലാറ്റ്‌ഫോമിൽ ഇജിആർ അവതരിപ്പിക്കുന്നതിനുള്ള അന്തിമ അനുമതി കഴിഞ്ഞ മാസം എക്‌സ്‌ചേഞ്ചിന് ലഭിച്ചതിന് പിന്നാലെയാണ് ഇജിആർ അവതരിപ്പിച്ചത്.

ബിഎസ്ഇ ഇലക്ട്രോണിക് ഗോൾഡ് റെസിപ്റ്റുകൾ അവതരിപ്പിക്കുന്നതോടെ നിക്ഷേപകർക്ക് ഓഹരികൾക്ക് സമാനമായി സ്വർണത്തിൽ വ്യാപാരം നടത്താം. ഇജിആർ പുറത്തിറക്കുന്ന ഇന്ത്യയിലെ ആദ്യത്തെ എക്‌സ്‌ചേഞ്ചാണ് ബിഎസ്ഇ. ഇജിആറുകളുടെ സമാരംഭം ബിഎസ്ഇക്ക് മാത്രമല്ല, ആഗോള ബുള്ളിയൻ വ്യവസായത്തിനും ഒരു സുപ്രധാന നാഴികക്കല്ലാണ്. ഓഹരി ഉടമകൾക്ക് ഉയർന്ന നിലവാരമുള്ള നിക്ഷേപ-അധിഷ്ഠിത ഉൽപ്പന്നങ്ങളും സേവനങ്ങളും തുടർച്ചയായി ലഭ്യമാക്കുന്നതിന് പ്രതിജ്ഞാബദ്ധമാണെന്ന് തെളിയിക്കുകയാണ് ബിഎസ്ഇ പുതിയ പ്രഖ്യാപനത്തിലൂടെ.

Also Read : സേവിംഗ്സ് അക്കൗണ്ടിൽ നിന്ന് മാറി ചിന്തിക്കാം; ഡൈനാമിക് ബോണ്ടുകളോ ലിക്വിഡ് ഫണ്ടുകളോ തിരഞ്ഞെടുക്കാം

സ്വർണ്ണം ഇജിആറുകളുടെ രൂപത്തിൽ ട്രേഡ് ചെയ്യപ്പെടുകയും സുതാര്യമായ ആഭ്യന്തര സ്‌പോട്ട് പ്രൈസ് ഡിസ്‌കവറി സംവിധാനം ഉണ്ടാക്കാൻ സഹായിക്കുകയും ചെയ്യും. ഇജിആർ പ്ലാറ്റ്ഫോം തത്സമയ സ്വർണ ഇടപാടുകളിൽ സുതാര്യത പകരുന്നു. ഇന്ത്യയെ ബുള്ളിയൻ വില നിശ്ചയിക്കുന്ന രാജ്യമായി ഉയർന്നുവരാൻ പ്രാപ്തമാക്കുന്നു. മാത്രമല്ല, നിലവിലുള്ള വിപണിയിലെ സ്വർണത്തിന്റെ കാര്യക്ഷമതയില്ലായ്മ ഇല്ലാതാക്കുന്നു. വിതരണം ചെയ്യുന്ന സ്വർണ്ണത്തിന്റെ ഗുണനിലവാരം, കാര്യക്ഷമമായ വില കണ്ടെത്തൽ, ഇടപാടിലെ സുതാര്യത എന്നിവയിൽ കൂടുതൽ ഉറപ്പ് നൽകാൻ ഇജിആർ പ്ലാറ്റ്‌ഫോമിന് കഴിയും.

എക്സ്ചേഞ്ചിലെ വാങ്ങുന്നവരും വിൽക്കുന്നവരും വ്യക്തിഗത നിക്ഷേപകരും ഇറക്കുമതിക്കാർ, ബാങ്കുകൾ, റിഫൈനർമാർ, ബുള്ളിയൻ വ്യാപാരികൾ, ആഭരണ നിർമ്മാതാക്കൾ, റീട്ടെയിലർമാർ തുടങ്ങിയ ശൃംഖലയിലെ വാണിജ്യ പങ്കാളികളെല്ലാവർക്കും ഇജിആറിൽ നിക്ഷേപിക്കാം. സ്വർണം ആദ്യം ഷെയർ ട്രേഡിംഗിന് സമാനമായ ഡീമാറ്റ് അക്കൗണ്ടാക്കി മാറ്റണം, തുടർന്ന് റെസിപ്റ്റ് ഉപയോഗിച്ച് നിക്ഷേപകർക്ക് സ്വർണ്ണത്തിൽ വ്യാപാരം നടത്താം. ഈ സ്വർണം നിലവറകളിലായിരിക്കും, മാനേജർ ഇജിആർ നൽകും.

Also Read : ഗോൾഡ് ഇടിഎഫുകളിൽ നിക്ഷേപിക്കുന്നതിന്റെ 5 നേട്ടങ്ങൾ അറിയാം

10 ഗ്രാമിലും 100 ഗ്രാമിലും സ്വർണം ലഭിക്കാം. 10 ഗ്രാം സ്വർണ്ണ ഡെലിവറി ഒരു ബാറിന്റെയോ നാണയത്തിന്റെയോ രൂപത്തിലാകാം. 100 ഗ്രാം സ്വർണ്ണം ഒരു ബാറിൽ മാത്രമേ ഡെലിവറി ചെയ്യപ്പെടുകയുള്ളൂ. ഇന്ത്യയിൽ 22 സ്ഥലങ്ങളിൽ ഇജിആർ നിലവറകളുണ്ട്. ഈ നിലവറകളിൽ നിന്ന് ബ്രിങ്ക്സ് ഇന്ത്യ, സീക്വൽ ലോജിസ്റ്റിക്‌സ് എന്നീ ഏജൻസികൾ സ്വർണം വീടുതോറും എത്തിക്കും.

ഫെബ്രുവരിയിലാണ് ബിഎസ്‌ഇക്ക് സെബിയിൽ നിന്ന് തത്വത്തിലുള്ള അംഗീകാരം ലഭിച്ചുത്. അതിനുശേഷം എക്‌സ്‌ചേഞ്ച് അതിന്റെ അംഗങ്ങൾക്ക് ഇജിആറുകളിൽ വ്യാപാരം സുഗമമാക്കുന്നതിന് നിലവിലെ പരിതസ്ഥിതിയിൽ നിരവധി മോക്ക് ട്രേഡിംഗ് നടത്തിയിരുന്നു. ആഗോളതലത്തിൽ സ്വർണ്ണത്തിന്റെ ഏറ്റവും വലിയ രണ്ടാമത്തെ ഉപഭോക്താവാണ് ഇന്ത്യ. ഇന്ത്യയിലെ വാർഷിക സ്വർണ്ണ ഡിമാൻഡ് ഏകദേശം 800-900 ടൺ ആണ്. കൂടാതെ ആഗോള വിപണിയിൽ ഒരു പ്രധാന സ്ഥാനവും ഇന്ത്യ വഹിക്കുന്നുണ്ട്. ചൈനയ്ക്ക് പിന്നിൽ രണ്ടാം സ്ഥാനത്താണെങ്കിലും, സ്വർണ്ണ ഉപഭോഗത്തിൽ ആഗോള വിപണിയിൽ ഇന്ത്യ ഒരു പ്രധാന രാജ്യമായി തുടരുന്നു.

Read Latest Business News and Malayalam News