ബിഎസ്എൻആൽ പാക്കേജ് വൈകുന്നു; ജീവനക്കാർ നിരാഹാര സമരത്തിലേക്ക്

കൊച്ചി: ബിഎസ്എൻഎൽ ജീവനക്കാര്‍ ഫെബ്രുവരി 24 മുതൽ നിരാഹാര സമരത്തിലേക്ക്. സ‍ര്‍ക്കാരിൻറെ ബിഎസ്എൻഎൽ പുനുരുദ്ധരണ പാക്കേജ് ഉടൻ നടപ്പാക്കണം എന്നാവശ്യപ്പെട്ടാണ് ജീവനക്കാ‍ര്‍ സമരത്തിലേക്ക് നീങ്ങുന്നത്. ഓൾ യൂണിയൻസ് ആൻഡ് അസോസിയേഷൻസിൻറെ കീഴിൽ ആണ് രാജ്യവ്യാപകമായി സമരം നടത്തുന്നത്.

ഒക്ടോബര്‍ 23-ന് ബിഎസ്എൻഎൽ-എംടിഎൻഎൽ എന്നിവയുടെ പുനരുദ്ധാരണത്തിനായി 69,000 രൂപയുടെ പാക്കേജ് സ‍ര്‍ക്കാര്‍ പ്രഖ്യാപിച്ചിരുന്നു. ഇതിൽ 4 ജിസ്പെക്ട്രത്തിനായുള്ള ചാ‍ര്‍ജുകളും ഉൾപ്പെടുന്നു.

പാക്കേജ് നടപ്പാക്കാൻ കാലതാമസം നേരിടുന്നതിൽ പ്രതിഷേധിച്ചാണ് സമരം. കഴിഞ്ഞ 10 മാസങ്ങളായി കരാറുകാ‍ര്‍ക്ക് ശമ്പളം കൊടുക്കുന്നില്ലെ ന്നും ജീവനക്കാ‍ര്‍ക്ക് ശമ്പളം ലഭിയ്ക്കുന്നില്ലെന്നും പരാതികൾ ഉണ്ട്.

Also Read: എംടിഎന്‍എല്‍ ബിഎസ്എന്‍എല്‍ ലയനം; എംടിഎൻഎൽ ഓഹരി വില ഉയര്‍ന്നു

78,569 ജീവനക്കാ‍ര്‍ നി‍ര്‍ബന്ധിത വിആ‍ര്‍എസിന് വിധേയരായിരുന്നു. സാലറി ഇനത്തിൽ 8.800 കോടി രൂപയോളം ലാഭിയ്ക്കുന്നതിൻറെ ഭാഗമായി ആയിരുന്നു വിആ‍ര്‍എസ്. ഇവ‍ര്‍ക്കും റിട്ടയർമെൻറ് ആനുകൂല്യങ്ങൾ ഉൾപ്പെടെ പൂ‍ര്‍ണമായി ലഭിച്ചിട്ടില്ല.

പ്രതിസന്ധിയിൽ ആയിരിക്കുന്ന ജീവനക്കാരെ സഹായിക്കാൻ ബിഎസ്എൻഎൽ പുനരുദ്ധരണ പാക്കേജ് ഉടൻ നടപ്പാക്കിയേ മതിയാകൂ എന്നാണ് സമരത്തിലേക്ക് നീങ്ങുന്ന ജീവനക്കാരുടെ ആവശ്യം. കഴിഞ്ഞ 12 മാസങ്ങളിൽ
14,904 കോടി രൂപയാണ് കമ്പനിയുടെ നഷ്ടം.