കൊച്ചി: ഡിസംബര് മുതൽ ടെലികോം സേവനങ്ങൾക്ക് നിരക്ക് ഉയര്ത്തുമെന്ന് വോഡഫോൺ ഐഡിയയും, എയര്ടെല്ലും സൂചിപ്പിച്ചതിന് തൊട്ടു പിന്നാലെ ബിഎസ്എൻഎലും നിരക്കു വര്ധനയ്ക്ക് ഒരുങ്ങുന്നു. വോയിസ്, ഡേറ്റ നിരക്കുകളാണ് മറ്റു കമ്പനികൾക്കൊപ്പം ബിഎസ്എൻഎലും ഉയര്ത്തുന്നത്.
Also Read: എംടിഎന്എല് ബിഎസ്എന്എല് ലയനം; എംടിഎൻഎൽ ഓഹരി വില ഉയര്ന്നു
2016-ൽ ജിയോയുടെ വരവിന് ശേഷം ടെലികോം കമ്പനികൾ നിരക്കുകൾ കുറയ്ക്കാൻ നിര്ബന്ധിതര് ആയിരുന്നു. ഇത് ഇത് ബിഎസ്എൽഎൽ ഉൾപ്പെടെയുള്ള ടെലികോം സേവന കമ്പനികളുടെ വരുമാനം കുറയുന്നതിനും ഇടയാക്കിയിരുന്നു എന്ന് ആരോപണമുണ്ട് .
റിലയൻസ് ജിയോ നിരക്കുകൾ വര്ധിപ്പിക്കാൻ ഒരുങ്ങിയതോടെ മറ്റു കമ്പനികളും നിരക്ക് വര്ധിപ്പിക്കാൻ തയ്യാറെടുത്തതാണ് ബിഎസ്എൻഎലിനെയും നിരക്കു വർധനയ്ക്ക് പ്രേരിപ്പിച്ചത്. ബിഎസ്എൻഎൽ, എംടിഎൻഎൽ ലയനം രണ്ടു വര്ഷത്തിനുള്ളിൽ പൂര്ത്തിയായേക്കും എന്നാണ് സൂചന.