സംരംഭകർക്കായുള്ള കേന്ദ്ര ബജറ്റ് പ്രഖ്യാപനങ്ങൾ അറിയാം

കൊച്ചി: വ്യക്തിഗത ആദായ നികുതിയിൽ പ്രഖ്യാപിച്ച ഇളവുകൾ പോലെ കോർപ്പറേറ്റുകൾക്കും സ്റ്റാർട്ടപ്പുകൾക്കും ബജറ്റിൽ നികുതി ഇളവുകൾ പ്രഖ്യാപിച്ചിട്ടുണ്ട്. സംരംഭകർക്കുള്ള ബജറ്റ് പ്രഖ്യാപനങ്ങൾ ഇങ്ങനെ.

നിലവിലെ സംരംഭങ്ങൾക്ക് കോർപ്പറേറ്റ് നികുതി 22 ശതമാനം. സ്റ്റാർട്ടപ്പുകളുടെ നികുതി ഇളവിനുള്ള വിറ്റുവരവ് പരിധി 100 കോടിയായി ഉയർത്തിയിട്ടുണ്ട് എന്നതാണ് സവിശേഷത. പുതിയതായി തുടങ്ങുന്ന മറ്റുള്ള സംരംഭങ്ങൾക്ക് ഇത് 15 ശതമാനം ആയിരിക്കും. സ്റ്റാർട്ടപ്പ് സംരംഭകർക്ക് ലഭിയ്ക്കുന്ന കമ്പനി ഓഹരികൾക്കും അഞ്ച് വർഷത്തേക്ക് നികുതി ഇളവു ലഭിയ്ക്കും. ഓഡിറ്റ് പരിധിയ്ക്കുള്ള വിറ്റു വരവിൻറെ പരിധി ഒരു കോടി രൂപയിൽ നിന്ന് അഞ്ചു കോടി രൂപയായി ഉയർത്തി.

Also Read: ആരോഗ്യ മേഖലയിൽ കാര്യമായ വിഹിതം ഉയർത്തിയില്ല; വകയിരുത്തിയിരിക്കുന്നത് 69,000 കോടി രൂപ

രാജ്യത്ത് മൊബൈൽ ഫോൺ നിർമാണം ഉൾപ്പെടെ കൂടുതൽ പ്രോത്സാഹിപ്പിക്കും. ഇലക്ട്രോണിക് ഉപകരണങ്ങളുടെ നിർമാണത്തിനായി പുതിയ ശൃംഖല സ്ഥാപിയ്ക്കും. ഇത് ഇന്ത്യയുടെ നിർമാണ മേഖലയെ ശക്തിപ്പെടുത്തും. നിക്ഷേപം സുസമമാക്കാൻ ഇൻവെസ്റ്റ്മെൻറ് ക്ലിയറൻസ് സെൽ സ്ഥാപിയ്ക്കും എന്നും പ്രഖ്യാപനം ഉണ്ട്. ഇത് പുതിയ സംരംഭങ്ങൾ തുടങ്ങുന്നതുമായി ബന്ധപ്പെട്ട പ്രശ്നങ്ങൾ പരിഹരിയ്ക്കും.