ബിസിനസുകാര്‍ക്ക് ആശ്വസിയ്ക്കാം; 2021-ൽ കരകയറുമെന്ന് മൂഡീസ്

കൊച്ചി: ബിസിനസുകാര്‍ക്ക് ആശ്വാസകരമായ ഒരു വാര്‍ത്ത. ഇന്ത്യയിലെ ബിസിനസ് സാഹചര്യങ്ങൾ 2021-ഓടെ മെച്ചപ്പെടുമെന്ന പ്രഖ്യാപനവുമായി എത്തിയിരിക്കുകയാണ് റേറ്റിങ് ഏജൻസിയായ മൂഡീസ്. 2021-ൽ നിലവിലെ കൊവിഡ് പ്രതിസന്ധികളിൽ നിന്ന് കരകയറി തുടങ്ങുമെന്നാണ് മൂഡീസിൻെറ അനുമാനം.
2022- മാര്‍ച്ചിൽ അവസാനിയ്ക്കുന്ന സാമ്പത്തിക വര്‍ഷത്തിൽ 8 ശതമാനം വളര്‍ച്ച നേടിയേക്കും എന്നാണ് കരുതുന്നത്. 2020-ലെ വളര്‍ച്ചാ മുരടിപ്പുകൾ മറികടക്കാൻ അധിക നാൾ വേണ്ടി വരില്ലെന്ന സൂചനകൾ നിക്ഷേപകര്‍ക്കുൾപ്പെടെ കരുത്താകുന്നുണ്ട്.

അതേസമയം കൊവിഡ് വ്യാപനം തുടര്‍ന്നാൽ തിരിച്ചു കയറ്റം വളരെ ചെറിയ തോതിൽ ആയിരിക്കും എന്ന മുന്നറിയിപ്പും മൂഡീസ് നൽകുന്നുണ്ട്. അതേസമയം കൊവിഡ് വ്യാപനം തുടര്‍ന്നാൽ തിരിച്ചു കയറ്റം വളരെ ചെറിയ തോതിൽ ആയിരിക്കും എന്ന മുന്നറിയിപ്പും മൂഡീസ് നൽകുന്നുണ്ട്. എന്നാൽ പലിശ നിരക്കുകൾ ഏറ്റവും കുറഞ്ഞ നിലവിലെ സാഹചര്യം നിക്ഷേപകര്‍ക്കും ബിസനസുകാര്‍ക്കും ആശ്വാസ
മാകുന്നുണ്ട്.

Also Read: ഭൂമിയ്ക്കടിയിലും സമുദ്രത്തിനടിയിലും ഒക്കെ വീടുകൾ.. അതിശയിപ്പിയ്ക്കും അസാധാരണ വീടുകളുടെ നിര്‍മിതി

ഇനി പുതിയ ലോക്ക്ഡൗണു കൾ ഉണ്ടായേക്കില്ല എന്ന പ്രതീക്ഷകൾ പഴയ ലോക്ക്ഡൗൺ കാലത്തെ പോലെ ഉപഭോക്തൃ ഡിമാൻഡുകൾ കുത്തനെ ഇടിച്ചേക്കില്ല എന്ന നേട്ടവുമുണ്ട്. സംരംഭകര്‍ക്ക് ഏത് സമയത്തും പണലഭ്യത ഉറപ്പാക്കാനുള്ള സര്‍ക്കാരിൻെറ ശ്രമങ്ങളും നിലവിലെ സാഹചര്യത്തിൽ ആശ്വാസമാണ്. വിവിധ സര്‍ക്കാര്‍ പദ്ധതികൾക്ക് കീഴിൽ വായ്പാ ലഭ്യത ഉണ്ടെന്നതും ആശ്വാസകരമാണ്.

അതേസമയം ഈ രംഗത്ത് അധിക പണലഭ്യതയ്ക്കുള്ള സാധ്യതകളും നന്നേ കുറവാണ്. സര്‍ക്കാരിൻെറ പൊതുകടം ഉയരുന്നതും വരുമാനം കുറഞ്ഞതും ശ്രദ്ധേയമാണ്. 16 ലക്ഷം കോടി യുഎസ് ഡോളര്‍ വരുന്ന കടത്തിൻെറ 39 ശതമാനം തിരിച്ചടയ്ക്കണ്ട കാലാവധി 2022-ൽ ആണ്.

2023 സാമ്പത്തിക വര്‍ഷത്തോടെ മൊത്തം വരുമാനത്തിൻെറ 93 ശതമാനത്തോളം ആയി കടം ഉയരുമെങ്കിലും പിന്നീട് ഇത് കുറയും. 2030-ഓടെ 80 ശതമാനമായി മാറും. ഉയര്‍ന്നു വരുന്ന കടബാധ്യത സൃഷ്ടിയ്ക്കുന്ന ആശങ്കകൾ മറുഭാഗത്ത് നിന്ന് ഉയരുന്നുണ്ട്. എന്തായാലും കൊവിഡ് അനന്തര കാലത്തും സ്ഥിതിഗതികൾ അത്ര സുഗമമായിരിക്കില്ല .