എന്താണീ റിവേഴ്സിബിൾ കുര്‍ത്ത?
അകവും പുറവും ഉപയോഗിക്കാൻ ആകുന്ന ട്രെൻഡി സ്റ്റൈലിലെ കുര്‍ത്തയിൽ ജയസൂര്യ തിളങ്ങുന്ന ചിത്രങ്ങളാണ് സ്റ്റുഡിയോയുടെ ഇൻസ്റ്റഗ്രാം പേജിൽ പങ്കു വെച്ചിരിക്കുന്നത്. ജെൻറ്സ് കുര്‍ത്തയിലെ ഇത്തരം പരീക്ഷണങ്ങൾ അത്ര സാധാരണമല്ല. ലേഡീസ് റിവേഴ്സിബ്ൾ കുര്‍ത്തകളിലും സിംഗിൾ കളറുകളിലാകും കൂടുത പരീക്ഷണങ്ങൾ. എന്തായാലും തികച്ചും വ്യത്യസ്തമായ ഡിസൈനിലാണ് കുര്‍ത്തയുടെ ഇരു വശങ്ങളും. സിൽക്കിൽ മൾട്ടി കളര്‍ ഡിസൈനാണ് ഉപയോഗിച്ചിരിക്കുന്നത്. കാന്ത ഡിസൈനാണ് ഈ കുര്‍ത്തയെ വേറിട്ടാക്കുന്നത്. ഓൺലൈനായി തന്നെ ഓര്‍ഡര്‍ നൽകാം.
വേറിട്ട എക്സ്ക്ലൂസീവ് ഡിസൈനുകൾ
ജയസൂര്യയുടെ മിക്ക സിനിമകളിലെയും കോസ്റ്റ്യൂമിൻെറ ക്രെഡിറ്റ് ജയസൂര്യക്കാണ്. പുണ്യാളൻ പ്രൈവറ്റ് ലിമിറ്റഡിലെ കുര്‍ത്ത, ഷാജി പാപ്പാൻെറ മുണ്ട്.. സിനിമക്കൊപ്പം ഹിറ്റായ വേഷങ്ങളും ഒട്ടേറെയുണ്ട്. സാരികളിലും ചുരിദാറിലും ഒക്കെയുണ്ട് വേറിട്ട പരീക്ഷണങ്ങൾ. ഹെവി ഡിസൈനുകളേക്കാൾ സിംപിൾ ലുക്കും എലഗൻറ് സ്റ്റൈലുമാണ് മിക്ക കോസ്റ്റ്യൂമുകളുടെയും പ്രത്യേകത. ഉപഭോക്താക്കളിൽ സെലിബ്രിറ്റികൾ മുതൽ സാധാരണക്കാര്‍ വരെയുണ്ട്. പ്രത്യേക എക്സിബിഷൻ സെയിലുകളും സ്റ്റുഡിയോ സംഘടിപ്പിക്കാറുണ്ട് .