തൊഴിൽ സമ്മർദ്ദം ഇന്ത്യൻ പ്രഫഷണലുകളെയും ബാധിക്കുന്നു

കൊച്ചി: ജോലിയിലെ സമ്മർദ്ദം കൊണ്ട് വീടും നാടും ഒക്കെ മറന്നു പോകുന്നവർ രാജ്യത്ത് കൂടുകയാണ്.
തൊഴിൽ സമ്മർദ്ധം ബിസിനസുകാരെ മാത്രമല്ല ഇന്ത്യയിലെ പ്രഫഷണലുകളെയും കാര്യമായി ബാധിക്കുന്നതായി പഠനം.

34 ശതമാനം ഇന്ത്യൻ പ്രഫഷണലുകൾക്കും തങ്ങളുടെ കുട്ടികൾക്ക് ഒപ്പം പോലും ആവശ്യത്തിന് സമയം ചെലവഴിക്കാനാകുന്നില്ലെന്ന് ഗോദ്റെജ് ഇന്റീരിയോ നടത്തിയ സർവേ ഫലം പറയുന്നു.
സമ്മർദ്ദം മൂലം കുടുംബാംഗങ്ങൾക്കും സുഹൃത്തുക്കൾക്കുമൊപ്പം പ്രഫഷണലുകൾ സമയം ചിലവഴിക്കുന്നത് കുറയുകയാണ്.

രാവിലെ 9 മുതൽ രാത്രി 9 വരെ, ആഴ്ചയിൽ ആറു ദിവസം ജോലി ചെയ്യുന്ന ചൈനയിലെ '996 ജോലി സംസ്കാരം' ഇന്ത്യയിലും പടർന്ന് പിടിക്കുന്നതായാണ് സർവേയിലെ വെളിപ്പെടുത്തൽ.

സർവേയിൽ പങ്കെടുത്തവരില്‍ 64 ശതമാനം പേർക്കും ജോലി സമ്മർദ്ദം മൂലം കുടുംബാംഗങ്ങളുമായി ആവശ്യത്തിനു സമയം പങ്കുവയ്ക്കുവാൻ കഴിയുന്നില്ല. 28 ശതമാനം വ്യക്തികൾ പങ്കാളിയുമായി ചെലവഴിക്കാൻ പോലും സമയം കിട്ടാത്തവരുമാണ്. 14 ഇന്ത്യൻ നഗരങ്ങളിലെ പ്രഫഷണലുകൾക്കിടയിലാണ് ഗോദ്റെജ് ഇന്റീരിയോ പഠനം നടത്തിയത്.