14000 ജീവനക്കാരെ സിസ്കോ പിരിച്ചുവിടുന്നതായി റിപ്പോര്‍ട്ട്

കാലിഫോർണിയ: നെറ്റ്‌വർക്ക് ഹാർഡ്‌വെയർ ഉല്‍പ്പന്ന നിർമാതാക്കളായ സിസ്കോ 14000 ജീവനക്കാരെ പിരിച്ചു വിടാൻ ഒരുങ്ങുന്നു. ടെക് ന്യൂസ് സൈറ്റായ സി.ആർ.എൻ ആണ് വിവരങ്ങൾ പുറത്തു വിട്ടത്.

എന്നാല്‍, 70,000ൽ അധികം ജീവനക്കാരുള്ള കാലിഫോർണിയയിലെ സാൻ ജോസ് ആസ്ഥാനമായുള്ള സിസ്കോ ഇതുവരെ വാർത്ത സ്ഥിരീകരിച്ചിട്ടില്ല. മൈക്രോസോഫ്റ്റും എച്‍പിയും ജീവനക്കാരുടെ എണ്ണം കുറയ്ക്കുമെന്ന് നേരത്തെ പ്രഖ്യാപിച്ചിരുന്നു.

ഡാറ്റ അനലിറ്റിക്സ്, ക്ലൗഡ്‌ ബേസ്‍ഡ് ടൂൾസ് എന്നിവ നിർമിക്കാൻ കൂടുതൽ പണം നിക്ഷേപിക്കാനാണ് സിസ്കോ പദ്ധതി ഇട്ടിരിക്കുന്നത്.