നിറമാ‍ര്‍ന്ന കാഴ്ച്ചകൾ മാത്രമല്ല; പൂക്കളുടെ വിപണന സാധ്യതകളും അവതരിപ്പിച്ച് കൊച്ചിൻ ഫ്ലവർ ഷോ

കൊച്ചി: വൈവിധ്യമാർന്ന കാഴ്ച്ചകളും പുഷ്പങ്ങളുടെ വിപണന സാധ്യതകളും അവതരിപ്പിച്ച് കൊച്ചിൻ ഫ്ലവർ ഷോയ്ക്ക് തുടക്കം. ജനുവരി 12 വരെ എറണാകുളത്തപ്പൻ ഗ്രൗണ്ടിൽ വച്ചാണ് ഫ്ലവർ ഷോ നടത്തപ്പെടുന്നത്. ജില്ലാ അഗ്രി ഹോർട്ടികൾച്ചർ സൊസൈറ്റി സംഘടിപ്പിക്കുന്ന ഷോയിൽ അൻപതിനായിരത്തില്പരം പൂച്ചെടികളാണ് പ്രദർശിപ്പിക്കുന്നത്.

രണ്ടായിരത്തിൽപ്പരം റോസാച്ചെടികളും ആയിരത്തിൽപരം ഓർക്കിഡുകളും ഗ്രാഫ്ട് ചെയ്ത അഡിനിയം, പെറ്റുന്യ, ഡാലിയ,ജെറിബര, സാല്വിയ,വിവിധ ഇനം ജമന്തികൾ എന്നിവയും പ്രദർഷനത്തിലുണ്ടാവും. ഏറ്റവും പുതിയ വിദേശ ഇനം ചെടികളും പ്രദർശനത്തിലെത്തിച്ചിട്ടുണ്ട്. കൂടാതെ വീടിനുള്ളിൽ വളർത്താവുന്ന വിവിധ അലങ്കാര ചെടികളും, വിവിധ ഇനം ബോൺസായ് ചെടികളും പുഷ്പ്പമേളയിലുണ്ട്.

Also Read: പുതുവർഷത്തിൽ സ്വർണ നിക്ഷേപം ഭാഗ്യം കൊണ്ടു വരുമോ?

അപൂർവ്വ ഔഷധ ചെടികളുടെയും നക്ഷത്ര വൃക്ഷങ്ങളുടെയും ശേഖരണമാണ് മേളയുടെ മറ്റൊരു ആകർഷണം. ഫോട്ടോ പ്രേമികൾക്കായി ഫോട്ടോ ബൂത്തുകളും സെൽഫി സ്പോട്ടുകളും മേളയിൽ ഒരുക്കിയിട്ടുണ്ട് . മികച്ച സെൽഫിക്ക് ദിവസവും സമ്മാനവും നൽകുന്നുണ്ട്. ജനുവരി 11 ന് കുട്ടികൾക്കായി പുഷ്പ്പ രാജകുമാരൻ, പുഷ്പ്പ രാജകുമാരി മത്സരങ്ങളും സംഘടിപ്പിച്ചിട്ടുണ്ട്..