ഇന്ത്യയിൽ ഈ വർഷം 20,000 തൊഴിൽ നിയമനങ്ങൾ നടത്തുമെന്ന് കൊഗ്നിസൻറ്

കഴിഞ്ഞ വ‍ര്‍ഷം ടാറ്റ കൺസൾട്ടൻസി സ‍ര്‍വീസസിന് ശേഷം രണ്ട് ലക്ഷത്തോളം പേരെ ഇന്ത്യയിൽ കമ്പനി നിയമിച്ചിരുന്നു.എന്നാൽ ചെലവു ചുരുക്കലിൻറെ ഭാഗമായി സെപ്റ്റംബറിൽ 10,000-12,000 ജീവനക്കാരെ ഒഴിവാക്കിയിരുന്നു.

ഇന്ത്യയിലെ കമ്പനിയുടെ തൊഴിൽ ശക്തി വർധിപ്പിക്കുന്നതിൻറെ ഭാഗമായാണ് വൻ നിയമനത്തിന് തയ്യാറാകുന്നത് എന്നാണ് സൂചന. ക്യാംപസ് പ്ലേസ്മെൻറിലൂടെ എൻജിനിയറിങ് ബിരുദധാരികളെയാണ് കൂടുതലായി തെരഞ്ഞെടുക്കുക. 4,00,000 രൂപാണ് വാർഷിക ശമ്പളം.

കഴിഞ്ഞയാഴ്ച്ച കമ്പനി കര്‍ണാടകയിലേക്കും സാന്നിധ്യം വ‍ര്‍ധിപ്പിച്ചിരുന്നു. മംഗളൂരിൽ ഒരു ലക്ഷം സ്ക്വയ‍ര്‍ ഫീറ്റിലാണ് പുതിയ ഓഫീസ് ഒരുങ്ങുന്നത്. 1,100 ജീവനക്കാ‍ര്‍ക്ക് ജോലി ചെയ്യാനാകുന്ന തരത്തിലാണ് ഓഫീസ് നിർമിച്ചിരിക്കുന്നത്.