സര്‍വീസ് ടാക്സും സര്‍വീസ് ചാര്‍ജ്ജും തമ്മിലെന്ത് വ്യത്യാസം?

റെസ്റ്ററന്‍റില്‍ പോയി 2000 രൂപയ്ക്ക് ഭക്ഷണം കഴിച്ചു. കിട്ടിയത് 3000 രൂപയുടെ ബില്‍. ഇത്തരം അനുഭവം ഉണ്ടാവാത്തവരായി ആരും തന്നെ ഉണ്ടാവില്ല എന്നു പറയാം. ഇതില്‍ വിവിധ ടാക്സുകളും സര്‍വീസ് ചാര്‍ജും ഉള്‍പ്പെട്ടതായി കാണാം. ഇത്രയും കാര്യം ചോദിച്ചു മനസിലാക്കാനുള്ള മടിയ്ക്ക് എത്രയും വേഗം പണമടച്ച് സ്വന്തം കാര്യം നോക്കി പോകാനേ എല്ലാവരും ശ്രമിക്കൂ. എന്നാല്‍ ഈ കണക്കിന്‍റെ വിശദാംശം ഒരിക്കലെങ്കിലും ഒന്ന് അറിയണ്ടേ??

ബില്ലിലുള്ള സര്‍വീസ് ടാക്സ്, വാറ്റ് എന്നിവ സര്‍ക്കാര്‍ ചുമത്തുന്ന നികുതികളാണ്. എന്നാല്‍ സര്‍വീസ് ചാര്‍ജ് എന്നത് അതത് ഹോട്ടല്‍ നിങ്ങളുെ മേല്‍ ചുമത്തുന്ന പണമാണ്. അവരുടെ സര്‍വീസുകള്‍ക്ക് നിങ്ങളില്‍ നിന്ന് ഈടാക്കുന്ന തുക. ഇതും സര്‍ക്കാരുമായി യാതൊരു ബന്ധവുമില്ല.

എന്താണ് സര്‍വീസ് ടാക്സ്?

നേരത്തേ പറഞ്ഞത് പോലെ സര്‍ക്കാര്‍ ചുമത്തുന്ന നികുതിയാണ് സര്‍വീസ് ടാക്സ്. ആകെ ബില്‍ തുകയുടെ 40 ശതമാനത്തിന്മേല്‍ മാത്രമേ നികുതി ചുമത്താനാവൂ. 14 ശതമാനമാണ് നികുതി.

അതായത്, നിങ്ങളുടെ ബില്‍ 1000 രൂപയാണെങ്കില്‍ അതില്‍ 400 രൂപയ്ക്കേ നികുതി ചുമത്താനാവൂ. 400 രൂപയുടെ 14 ശതമാനമാണ് നിങ്ങളുടെ ടാക്സ്.

എന്നാല്‍ കണക്കു കൂട്ടലിലെ എളുപ്പത്തിനായി ഹോട്ടലുകള്‍ ഈ നികുതി മുഴുവൻ ബില്ലില്‍ ഈടാക്കും. അതായത് ആകെ ബില്ലിന്‍റെ 5.6 ശതമാനം.

ചുരുക്കത്തില്‍ 100 രൂപയുടെ ഭക്ഷണം കഴിച്ചാല്‍ 400 രൂപയുടെ 14 ശതമാനം അല്ലെങ്കില്‍ 1000 രൂപയുടെ 5.6 ശതമാനമേ സര്‍വീസ് ടാക്സ് ആയി ഈടാക്കാനാവൂ. ഇന്ത്യയില്‍ എല്ലായിടത്തും ഇത് ഒരേപോലെയാണ്.

എന്നാല്‍ എസിയോ ഹീറ്ററോ ഇല്ലാത്ത ഹോട്ടലുകള്‍ക്ക് ഈ ടാക്സ് ഈടാക്കാന്‍ അധികാരമില്ല എന്നും ഓര്‍ക്കുക.


സര്‍വീസ് ചാര്‍ജ്ജ്:

റെസ്റ്ററന്‍റ് നിങ്ങള്‍ക്ക് തരുന്ന സേവനങ്ങള്‍ക്ക് നിങ്ങളില്‍ നിന്ന് ഈടാക്കുന്ന തുകയാണ് സര്‍വീസ് ചാര്‍ജ്ജ്. ഇത് സര്‍ക്കാരുമായി ബന്ധമില്ലാത്തതാണ്. അതിനാല്‍ തന്നെ പല ഹോട്ടലിലും പല നിലയിലാണ് ചാര്‍ജ്ജ്. 5 മുതല്‍ 20 ശതമാനം വരെ ഇത് ഈടാക്കുന്നുണ്ട്. ചില സ്ഥലങ്ങളില്‍ ഈ പണം വെയിറ്ററിനുള്ളതാണ്. അതായത് നിങ്ങള്‍ പ്രത്യേകമായി ടിപ്പ് കൊടുക്കേണ്ടതില്ല എന്ന് സാരം.

സര്‍വീസ് ടാക്സ് സര്‍ക്കാരിന് നല്‍കേണ്ടതല്ല എന്നും ഇക്കാര്യം ഹോട്ടലുകള്‍ പരസ്യമായി പ്രദര്‍ശിപ്പിക്കണമെന്നും സര്‍വീസ് മോശമാണെങ്കില്‍ സര്‍വീസ് ചാര്‍ജ് നല്‍കാതിരിക്കാന്‍ ഉപയോഗക്താവിന് അധികാരമുണ്ടെന്നും സര്‍ക്കാര്‍ ഉത്തരവിട്ടിരുന്നു. ഇത് ഏറെ എതിര്‍പ്പിന് വഴി വെച്ചിരിക്കുകയാണ്.

കടപ്പാട്: സ്കൂപ്പ്‍വൂപ്പ്

Know what is Service Charge:

On July 14, the government clarified that service charges collected by the restaurant and then retained by the restaurant are not imposed by the government. The only taxes imposed by the government are service tax and VAT