1946-നു ശേഷമുള്ള ഏറ്റവും വലിയ സാമ്പത്തിക പ്രതിസന്ധിയിലേക്ക് യുഎസ്

കൊച്ചി; ലോകത്തിലെ ഏറ്റവും വലിയ സമ്പന്ന രാജ്യമായ യുഎസിനെ അക്ഷരാർത്ഥത്തിൽ വിറപ്പിച്ചിരിയ്ക്കുകയാണ് കൊറോണ വൈറസ്. നിയന്ത്രിയ്ക്കാനാകാതെ മരണ സംഖ്യ കുതിച്ചുയരുന്നു. കൊവിഡ് 19 സൃഷ്ടിയ്ക്കുന്ന പ്രതിസന്ധി യുഎസിൻറെ സമ്പദ് വ്യവസ്ഥയേയും ഉലയ്ക്കുമെന്ന് റിപ്പോർട്ട്.

1946-നു ശേഷമുള്ള ഏറ്റവും വലിയ ഇടിവാണ് യുഎസ് സമ്പദ് വ്യവസ്ഥയിൽ ഉണ്ടാകുക എന്ന് മോ‍ര്‍ഗൻ സ്റ്റാൻലി റിപ്പോ‍ര്‍ട്ട് ചെയ്യുന്നു. 2020 ൽ യുഎസ് സമ്പദ് വ്യവസ്ഥ 5.5 ശതമാനത്തോളം ചുരുങ്ങും. രണ്ടാം പാദത്തിൽ മാത്രം സാമ്പത്തിക വള‍ര്‍ച്ച 38 ശതമാനം ഇടിഞ്ഞേക്കും.

Also Read: കൊറോണ; ലോകത്തിന് ചെലവ് 4.1 ലക്ഷം കോടി ഡോളറിലേറെ

രണ്ടാം സാമ്പത്തിക പാദത്തിൽ യുഎസിലെ തൊഴിൽഇല്ലായ്മയും ഏറ്റവും ഉയ‍ര്‍ന്ന നിരക്കിൽ എത്തും.15.7 ശതമാനം ആയി തൊഴിലില്ലായ്മ ഉയരും എന്നാണ് റിപ്പോ‍ര്‍ട്ട്. 2.1 കോടി തൊഴിൽ നഷ്ടവും കൊറോണ മൂലം യുഎസിലുണ്ടാകും.

അപ്രതീക്ഷിതമായി എത്തിയ കൊറോണ സൃഷ്ടിച്ച പ്രതിസന്ധിയിൽ നിന്ന് കരകയറണമെങ്കിൽ യുഎസിന് മൂന്ന് വർഷങ്ങൾ എങ്കിലും വേണ്ടി വരുമെന്നാണ് രാജ്യാന്തര മാധ്യമങ്ങൾ റിപ്പോർട്ട് ചെയ്യുന്നത്.