മോറട്ടോറിയത്തിന് അപേക്ഷ വേണമെന്ന് ബാങ്കുകൾ; അപേക്ഷ തയ്യാറാക്കുന്നത് എങ്ങനെ എന്നറിയാം

കൊച്ചി: കൊറോണ പ്രതിസന്ധി പരിഹരിയ്ക്കാൻ ആർബിഐ പ്രഖ്യാപിച്ച ഇഎംഐ മോറട്ടോറിയത്തിന് പ്രത്യക അപേക്ഷ നൽകേണ്ടതില്ലെന്നായിരുന്നു തുടക്കത്തിൽ സൂചനകൾ എങ്കിലും അപേക്ഷ വേണമെന്ന് ഇപ്പോൾ ബാങ്കുകൾ വ്യക്തമാക്കിത്തുടങ്ങി. ഇമെയിൽ, എസ്എംഎസ് തുടങ്ങി വ്യത്യസ്തമായ ഓപ്ഷനുകളാണ് ബാങ്കുകൾ ഇടപാടുകാർക്ക് നൽകുന്നത്. മോറട്ടോറിയം ആവശ്യമില്ലാത്തവർ ബാങ്കിനെ അറിയിക്കണമെന്ന് ഐസിഐസിഐ ബാങ്കും വ്യക്തമാക്കിയിട്ടുണ്ട്.

രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ ഇതിനായി പ്രത്യേക അപേക്ഷ ഫോം തയ്യാറാക്കിയിട്ടുണ്ട്. ഇടപാടുകാർ ഇത് പൂരിപ്പിച്ച് ബാങ്കിൻറഎ പൊതുമെയിൽ ഐഡിയിലേക്ക് അപേക്ഷ നൽകണം. കോട്ടക് മഹീന്ദ്ര ബാങ്കിൻറെ ഇടപാടുകാരും ഇതു ചൂണ്ടിക്കാട്ടി ബാങ്കിന് മെയിൽ അയക്കണം. കാനറാ ബാങ്കിന് എസ്എംഎസ് മതിയാകും.

Also Read: സ്വത്തുതർക്കം ഒഴിവാക്കാൻ വിൽപ്പത്രം തയ്യാറാക്കാം; എളുപ്പത്തിൽ

എച്ച്ഡിഎഫ്സി ബാങ്ക് ഉപഭോക്താക്കളാണ് നിങ്ങൾ എങ്കിൽ ഇഎംഐ മോറട്ടോറിയം ആവശ്യമാണെന്ന് ബാങ്കിനെ അറിയിക്കണം. ഐസിഐസിഐ ബാങ്കിൻറെ ശമ്പളവരുമാനക്കാർ മോറട്ടോറിയം വേണമെങ്കിൽ ബാങ്കിനെ അറിയിക്കണമെങ്കിലും അല്ലാത്തവർ അറിയിക്കേണ്ടതില്ല. ഇതു സംബന്ധിച്ച സൂചനകൾ നൽകാത്ത ബാങ്കുകൾ ഉടൻ തന്നെ വിജ്ഞാപനം ഇറക്കും.

മാർച്ച് മാസത്തെ ഇഎംഐ അക്കൌണ്ടിൽ നിന്ന് ഈടാക്കിയിട്ടുണ്ടെങ്കിൽ പ്രത്യേക അപേക്ഷ നൽകിയാൽ തുക തിരികെ ലഭിയ്ക്കും. മൂന്നു മാസം വായ്പ അടയ്ക്കേണ്ടതില്ലെങ്കിലും പിന്നീട് വായ്പാ കാലവധി കൂടുകയും മൂന്നു മാസത്തെ ലോൺ തുകയുടെ തിരിച്ചടവും പലിശയും കൂട്ടി പിന്നീടുള്ള മാസങഅങളിൽ ഈടാക്കുകയും ചെയ്യും.