വിപണി കുതിച്ചു; നിക്ഷേപകര് നേടിയത് 10.35 ലക്ഷം കോടി രൂപ
കോര്പ്പറേറ്റ് നികുതി കുറയ്ക്കുന്നത് ഉള്പ്പെടെ സമ്പദ് വ്യവസ്ഥയ്ക്ക് ഉണര്വ്വ് നല്കുന്ന പദ്ധതികള് പ്രഖ്യാപിച്ചതിന് പിന്നാലെ ഇന്ത്യന് വിപണി ദശകത്തിലെ ഏറ്റവും മികച്ച പ്രകടനം നടത്തി. നിക്ഷേപകര്ക്ക് 10.35 ലക്ഷംകോടി രൂപ നേട്ടം
Samayam Malayalam 23 Sept 2019, 8:25 pm
ഹൈലൈറ്റ്:
- കോര്പ്പറേറ്റ് നികുതി ഇളവ് വിപണി വളര്ച്ചയ്ക്ക് സഹായം
- നിക്ഷേപകര് നേടിയത് 10.35 ലക്ഷം കോടി രൂപ
- കോര്പ്പറേറ്റ് നികുതി 22 ശതമാനമാക്കി കുറച്ചു
മുംബൈ: തുടര്ച്ചയായ രണ്ടാം ദിനവും ഇന്ത്യന് നിക്ഷേപകര്ക്ക് വന്നേട്ടം. തിങ്കളാഴ്ച്ച 10.35 ലക്ഷം കോടി രൂപയാണ് രണ്ട് സെഷനുകളിലായി നിക്ഷേപകര് സ്വന്തമാക്കിയത്. സാമ്പത്തികരംഗത്തിന് ഉണര്വ്വ് പകരാന് ധനമന്ത്രി നിര്മ്മല സീതാരാമന് പ്രഖ്യാപിച്ച നടപടികളാണ് വിപണിക്ക് തുണയായത്. 1,075.41 പോയിന്റുകളാണ് ബിഎസ്ഇ സെന്സെക്സ് ഉയര്ന്നത്. രണ്ട് ട്രേഡിങ് സെഷനുകളിലായി ബിഎസ്ഇ ലിസ്റ്റ് ചെയ്ത കമ്പനികളുടെ വിപണി വിഹിതം 10,35,213.03 കോടി രൂപയായി ഉയര്ന്നു.
കഴിഞ്ഞ ദിവസം ധനമന്ത്രി നിര്മ്മല സീതാരാമന് കോര്പ്പറേറ്റ് നികുതിയില് വരുത്തിയ ഇളവാണ് നിക്ഷേപകര്ക്ക് ഉത്തേജനമായത്. വെള്ളിയാഴ്ച്ച ധനമന്ത്രിയുടെ പ്രഖ്യാപനത്തിന് ശേഷം ഏതാണ്ട് 5.32 ശതമാനം ഉയര്ച്ചയാണ് സെന്സെക്സ് രേഖപ്പെടുത്തിയത്. കഴിഞ്ഞ ദശകത്തിലെ തന്നെ ഏറ്റവും ഉയര്ന്ന നിരക്കാണിത്.
30 ശതമാനം ആയിരുന്ന കോര്പ്പറേറ്റ് നികുതി 22 ശതമാനമായാണ് സര്ക്കാര് കുറച്ചത്. പുതുതായി തുടങ്ങുന്ന മാനുഫാക്ച്ചറിങ് കമ്പനികള്ക്ക് 15 ശതമാനമായും നികുതി നിജപ്പെടുത്തി. നേരത്തെ 25 ശതമാനമായിരുന്നു നികുതി.
കഴിഞ്ഞ ദിവസം ധനമന്ത്രി നിര്മ്മല സീതാരാമന് കോര്പ്പറേറ്റ് നികുതിയില് വരുത്തിയ ഇളവാണ് നിക്ഷേപകര്ക്ക് ഉത്തേജനമായത്. വെള്ളിയാഴ്ച്ച ധനമന്ത്രിയുടെ പ്രഖ്യാപനത്തിന് ശേഷം ഏതാണ്ട് 5.32 ശതമാനം ഉയര്ച്ചയാണ് സെന്സെക്സ് രേഖപ്പെടുത്തിയത്. കഴിഞ്ഞ ദശകത്തിലെ തന്നെ ഏറ്റവും ഉയര്ന്ന നിരക്കാണിത്.
30 ശതമാനം ആയിരുന്ന കോര്പ്പറേറ്റ് നികുതി 22 ശതമാനമായാണ് സര്ക്കാര് കുറച്ചത്. പുതുതായി തുടങ്ങുന്ന മാനുഫാക്ച്ചറിങ് കമ്പനികള്ക്ക് 15 ശതമാനമായും നികുതി നിജപ്പെടുത്തി. നേരത്തെ 25 ശതമാനമായിരുന്നു നികുതി.