വെറ്റൈറ്റി അല്ലേ ! വധുവിന് പണം ട്രാൻസ്ഫർ ചെയ്യാം; വിവാഹക്ഷണക്കത്തിനൊപ്പം ​ഗൂ​ഗിൾ പേയുടെ ക്യൂആര്‍ കോഡും

കൊറോണ വൈറസ് പകർച്ചവ്യാധിക്കിടെ നാട്ടിലെങ്ങും കല്യാണഘോഷമാണ്. പകർച്ചവ്യാധിയുടെ പശ്ചാത്തലത്തില്‍ വിവാഹം മാമാങ്കമാക്കാന്‍ പറ്റില്ലെങ്കിലും അത്യാവശ്യം അടിച്ചുപൊളി നടക്കുന്നുണ്ട്. ചടങ്ങിൽ പങ്കെടുക്കുന്നവരുടെ എണ്ണത്തിൽ അടക്കം നിബന്ധനകൾ ഉള്ളതിനാൽ വിവാഹം ഘോഷമാക്കാൻ വെറൈറ്റി ഐഡികൾ പരീക്ഷിക്കുകയാണ് നാടും നഗരവും. കഴിഞ്ഞദിവസം തമിഴ്‌നാട്ടിലെ മധുരയിൽ നടന്ന ഒരു വിവാഹവും വിവാഹക്ഷണക്കത്തും ഏറെ ശ്രദ്ധനേടിയിരുന്നു. എന്താ കാര്യം എന്നല്ലേ?

കൊവിഡ് കാരണം വിവാഹത്തിൽ പങ്കെടുക്കാൻ കഴിഞ്ഞില്ലെങ്കിലും എല്ലാവരുടെയും ആശിർവാദവും സമ്മാനങ്ങളും വേണമെന്ന് ആഗ്രഹിക്കുന്നവരാണ് ഭൂരിഭാഗം പേരും. അതിനാൽ വധൂവരൻമാരെ ആശിർവാദിക്കാനും ഒപ്പം അവർക്ക് സമ്മാനങ്ങൾ നൽകാനുമുള്ള അവസരം ഒരുക്കിയിയിരിക്കുകയാണ് മധുരയിലെ ഒരു കുടുംബം. വിവാഹത്തിൽ പങ്കെടുക്കാൻ കഴിയാത്തവർക്ക് മാത്രമല്ല, കഴിയുന്നവർക്കും ഒരുപോലെ വധുവിന് സമ്മാനം നല്‍കാന്‍ സാധിക്കും. ഇതിനായി ഗൂഗിള്‍ പേ, ഫോണ്‍ പേ എന്നിവയുടെ ക്യൂആര്‍ കോഡ് ചേര്‍ത്താണ് കുടുംബം വിവാഹക്ഷണക്കത്ത് അച്ചടിച്ചിരിക്കുന്നത്.

Also Read: മലയാളിയുടെ കമ്പനി ഏറ്റെടുക്കാൻ ഒരുങ്ങി ടാറ്റ ഗ്രൂപ്പ്

വധുവിന്റെ ബാങ്ക് അക്കൗണ്ടിലേയ്ക്ക് പണം ട്രാന്‍സ്ഫര്‍ ചെയ്യുന്നതിന് വേണ്ടിയാണ് ക്ഷണക്കത്തിൽ ക്യൂആര്‍ കോഡ് ഉള്‍പ്പെടുത്തിയത്. ഇതുവഴി മുപ്പതോളം പേർ പണം അയച്ചതായി വധുവിന്റെ അമ്മ ടിജെ ജയന്തി പറഞ്ഞു. കുടുംബത്തില്‍ ആദ്യമായാണ് ഇത്തരത്തിലൊരു രീതി പരീക്ഷിക്കുന്നതെന്നും അത് വിജയകരമായെന്നും മധുരയില്‍ ജനനി ബ്യൂട്ടി പാര്‍ലര്‍ നടത്തിവരുന്ന ജയന്തി കൂട്ടിച്ചേർത്തു.