കൊവിഡ് 19 ഇന്ത്യയെ നേരിട്ടു ബാധിയ്ക്കുമെന്ന് ആർബിഐ ഗവർണർ

ന്യൂഡൽഹി: കൊവിഡ് 19 ഇന്ത്യയെ നേരിട്ടു ബാധിയ്ക്കുമെന്ന് ആർബിഐ ഗവർണർ ശക്തികാന്ത ദാസ്. കൊറോണ വൈറസ് പ്രതിസന്ധി മൂലം ആഗോള രംഗത്തുണ്ടാകുന്ന സാമ്പത്തിക പ്രതിസന്ധിയുടെ പ്രതിഫലനങ്ങൾ ഇന്ത്യയിലും ഉണ്ടാകും.

കൊവിഡ് 19 മൂലം രോഗ സാമ്പത്തിക മേഖല കൂടുതൽ ഞെരുങ്ങും. ആഗോള സാമ്പത്തിക വളർച്ചയെ 0.5-മുതൽ 1.5 ശതമാനം വരെ കൊവിഡ് 19 ബാധിയ്ക്കാൻ ഇടയുണ്ടെന്നും ആർബിഐ ഗവർണർ വ്യക്തമാക്കി.

Also Read: യെസ് ബാങ്ക് മോറട്ടോറിയം ബുധനാഴ്ച്ച നീക്കും; നഷ്ടം 18,654 കോടി

യെസ് ബാങ്കിന് കൂടുതൽ പണ ലഭ്യത ആവശ്യമുണ്ടെങ്കിൽ ആർബിഐ നൽകുമെന്നും അദ്ദേഹം വ്യക്തമാക്കി. ബുധനാഴ്ച്ച ആറുമണി മുതൽ യെസ് ബാങ്ക് ഉപഭോക്തക്കൾക്ക് പണം പിൻവലിയ്ക്കാം.

യെസ് ബാങ്കിൻറെ പുനരുദ്ധരണ പാക്കേജ് വിശ്വാസ്യമാണ്. ഒരു സ്വകാര്യ ബാങ്കിൻറെ പുനരുദ്ധരണത്തിന് പൊതുമേഖലാ, സ്വകാര്യ ബാങ്കുകളുടെ പങ്കാളിത്തം ഇത് ആദ്യമായാണെന്നും അദ്ദേഹം ചൂണ്ടിക്കാട്ടി.